Viral Video: పాపా.. అవి నీళ్లు కావు.. పెట్రోల్.. బంక్ దగ్గర ఈ అమ్మాయి ఏం చేసిందో చూడండి..

ABN , Publish Date - Nov 10 , 2024 | 10:07 AM

బుర్రకు పదును పెట్టడం, తమ ప్రతిభను అందరి ముందు ప్రదర్శించేందుకు రీల్స్ చేయడం తప్పు కాదు. అయితే కొందరు ఈ రీల్స్ పిచ్చిలో పడి ఏం చేస్తున్నారో చూస్తుంటే ఆందోళన చెందడం ఖాయం. తాజాగా ఓ అమ్మాయి పెట్రోల్ బంక్ దగ్గర ప్రాణాలతో చెలగాటం ఆడింది.

Viral Video: పాపా.. అవి నీళ్లు కావు.. పెట్రోల్.. బంక్ దగ్గర ఈ అమ్మాయి ఏం చేసిందో చూడండి..

Girl playing with petrol

ప్రస్తుతం చాలా మందికి రీల్స్ (Reels) పిచ్చి పట్టుకుంది. సోషల్ మీడియాలో పాపులారిటీ సంపాదించడం కోసం చాలా మంది వ్యక్తులు రీల్స్ తయారు చేసి వాటిని పోస్ట్ చేస్తూ ఉంటారు. అందుకోసం రోజురోజుకు విచిత్రంగా ఆలోచిస్తున్నారు. బుర్రకు పదును పెట్టడం, తమ ప్రతిభను అందరి ముందు ప్రదర్శించేందుకు రీల్స్ చేయడం తప్పు కాదు. అయితే కొందరు ఈ రీల్స్ పిచ్చిలో పడి ఏం చేస్తున్నారో చూస్తుంటే ఆందోళన చెందడం ఖాయం. తాజాగా ఓ అమ్మాయి పెట్రోల్ బంక్ (Petrol Bunk) దగ్గర ప్రాణాలతో చెలగాటం ఆడింది. ఆ అమ్మాయి చేష్టలకు సంబంధించిన వీడియో సోషల్ మీడియాలో వైరల్‌గా మారింది (Viral Video).

@gharkekalesh అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ యువతి పెట్రోల్ బంక్ దగ్గరకు వెళ్లింది. పెట్రోల్ (Petrol) కొట్టే వ్యక్తి పంప్ బయటకు తీసి ఆమె చేతిలో పెట్రోల్ వేశాడు. ఆమె నీటితో ఆడుకున్నట్టు తన చేతిలో ఉన్న పెట్రోల్‌తో ఆడుకుంది. ఒక చేతిలో ఉన్న పెట్రోల్‌ను మరో చేతిలో వేసుకుని ఆడుకుంది. ఆమె చర్యలను స్నేహితులు వీడియో తీసి సోషల్ మీడియాలో పోస్ట్ చేశారు. ఆ వీడియో కాస్తా సోషల్ మీడియాలో వైరల్‌గా మారింది. ఆ వీడియో చూసిన నెటిజన్లు ఆశ్చర్యపోతున్నారు.

ఆ వైరల్ వీడియోను ఇప్పటివరకు 5.7 లక్షల కంటే ఎక్కువ మంది వీక్షించారు. 16 వందల కంటే ఎక్కువ మంది ఆ వీడియోను లైక్ చేశారు. ఆ వీడియోపై నెటిజన్లు ఆగ్రహం వ్యక్తం చేస్తున్నారు. ``ఆమెకు పిచ్చి పట్టిందా``, ``అది ఎంత ప్రమాదకరం``, ``ఏమైనా తేడా జరిగితే ఆమెతో పాటు పెట్రోల్ బంక్ కూడా ప్రమాదంలో పడుతుంది``, ``పెట్రోల్ బంక్ వ్యక్తి అందుకు ఎలా అనుమతించాడు```, ``ఇది రీల్స్ పిచ్చి`` అంటూ నెటిజన్లు కామెంట్లు చేశారు.