BBL Match: స్టేడియంలో బిగ్ స్క్రీన్‌పై షాకింగ్ సీన్.. అవాక్కైన ఆడియన్స్, ప్లేయర్స్!
ABN , Publish Date - Jan 07 , 2024 | 08:56 PM
క్రికెట్.. రికార్డులకు కేరాఫ్ మాత్రమే కాదు.. కొన్ని ఫన్నీ సీన్స్‌తో పసందు కూడా చేస్తుంది. తాజాగా బిగ్ బాష్ లీగ్ మ్యాచ్‌లో ఇదే జరిగింది. థర్డ్ అంపైర్ ఇచ్చిన రిజల్ట్స్.. కేవలం స్టేడియంనే కాదు.. యావత్ ప్రపంచాన్ని ఆశ్చర్యానికి గురిచేయడంతో పాటు.. అందరిచే నవ్వించింది.
BBL Match: క్రికెట్.. రికార్డులకు కేరాఫ్ మాత్రమే కాదు.. కొన్ని ఫన్నీ సీన్స్‌తో పసందు కూడా చేస్తుంది. తాజాగా బిగ్ బాష్ లీగ్ మ్యాచ్‌లో ఇదే జరిగింది. థర్డ్ అంపైర్ ఇచ్చిన రిజల్ట్స్.. కేవలం స్టేడియంనే కాదు.. యావత్ ప్రపంచాన్ని ఆశ్చర్యానికి గురిచేయడంతో పాటు.. అందరిచే నవ్వించింది. బిగ్ బాష్ లీగ్‌లో సిడ్నీ సిక్సర్స్, మెల్‌బోర్న్ స్టార్స్ మధ్య జరిగిన పోరులో.. థర్డ్ అంపైర్ చేసిన చిన్న పొరపాటు ఇప్పుడు సంచలనంగా మారింది. మ్యాచ్ సందర్భంగా తప్పుగా బటన్ నొక్కడంతో.. నాటౌట్‌ను ఔట్‌గా అనౌన్స్ చేశారు. ఇందుకు సంబంధించిన వీడియో ఇప్పుడు సోషల్ మీడియాలో తెగ వైరల్ అవుతోంది.
బిగ్ బాష్ లీగ్‌లో సిడ్నీ సిక్సర్స్, మెల్‌బోర్న్ స్టార్స్ మధ్య మ్యాచ్ జరుగుతుండగా.. జేమ్స్ విన్స్ బంతిని నేరుగా బౌలర్ ఇమాద్ వాసిమ్ వైపు విసిరాడు. ఆ బాల్ స్టంప్‌లను తాకడంతో రన్ అవుట్ అయినట్లు భావించి ఫీల్డింగ్ టీమ్ అంపైర్‌కు అప్పీల్ చేసింది. ఫీల్డ్ అంపైర్.. థర్డ్ అంపైర్‌కు రిఫర్ చేశారు. దీంతో థర్డ్ అంపైర్ రీప్లే చేసి చూడగా.. నాటౌట్ అని క్లియర్‌గా కనిపించింది. అయితే, తప్పుడు బటన్ నొక్కడంతో.. జోష్ ఫిలిప్ ఔట్ డిస్ప్లే చేశారు థర్డ్ అంపైర్. అది చూసి ప్లేయర్లతో పాటు.. స్టేడియంలోని అభిమానులు అంతా అవాక్కయ్యారు. ఆ వెంటనే తేరుకున్న థర్డ్ అంపైర్.. మళ్లీ నాటౌట్‌గా ప్రకటిస్తూ డిస్ప్లే చేశారు. ఈ సీన్ చూసి ప్లేయర్లతో పాటు.. స్టేడియంలో ప్రేక్షకులు అంతా పగలబడి నవ్వుకున్నారు.
