CM Revanth Reddy: మహనీయుడు, నిత్య స్మరణీయుడు కాళోజీ
ABN , Publish Date - Nov 14 , 2024 | 05:03 AM
ప్రజాకవి కాళోజీ నారాయణ రావు మహనీయుడని సీఎం రేవంత్‌ రెడ్డి కొనియాడారు. బుధవారం కాళోజీ వర్ధంతిని పురష్కరించుకుని ఢిల్లీలోని తన అధికారిక నివాసంలో ఆయన చిత్రపటానికి పూలమాల వేసి నివాళులర్పించారు.
సీఎం రేవంత్‌ నివాళి
న్యూఢిల్లీ, హైదరాబాద్‌, నవంబరు 13 (ఆంధ్రజ్యోతి): ప్రజాకవి కాళోజీ నారాయణ రావు మహనీయుడని సీఎం రేవంత్‌ రెడ్డి కొనియాడారు. బుధవారం కాళోజీ వర్ధంతిని పురష్కరించుకుని ఢిల్లీలోని తన అధికారిక నివాసంలో ఆయన చిత్రపటానికి పూలమాల వేసి నివాళులర్పించారు. ‘అన్యాయాన్ని ఎదిరిస్తే నా గొడవకు సంతృప్తి... అన్యాయం అంతరిస్తే నా గొడవకు ముక్తి ప్రాప్తి... అన్యాయాన్ని ఎదిరించిన వాడే నాకు ఆరాధ్యుడు’ అని ప్రకటించిన కాళోజీ నిత్య స్మరణీయుడని తెలిపారు.
ప్రజాకవి కాళోజీ అందించిన పోరాట స్ఫూర్తితోనే మలిదశ ఉద్యమం ద్వారా ప్రత్యేక రాష్ట్రాన్ని సాధించుకున్నామని మాజీ సీఎం, బీఆర్‌ఎస్‌ అధినేత కేసీఆర్‌ పేర్కొన్నారు. తోటిమనిషి బాగును కోరుకోవడమే కాళోజీకి మనమందించే ఘన నివాళి ఆయన ఓ ప్రకటనలో తెలిపారు.
