TS News: డ్రగ్స్ సేవిస్తూ దొరికిన డీజే సిద్ధార్థ్..

హైదరాబాద్: పలు పబ్బుల్లో డీజేగా వ్యవహరిస్తున్న సిద్ధార్థ్ డ్రగ్స్ సేవిస్తూ అడ్డంగా దొరికిపోయాడు. పబ్బులకు నిత్యం వెళ్లే వారిని పిలిచి ఎస్ఓటీ అధికారులు పరీక్షించారు. గతంలో డ్రగ్స్ తీసుకున్న వారి లిస్ట్‌లో దొరికిన పేర్ల ఆధారంగా విచారణ నిర్వహించారు. ఈ క్రమంలోనే సైబరాబాద్ ఎస్ఓటి అధికారులు 40 మందిని పిలిచి విచారించారు. డీజే సిద్ధార్థతో పాటు మరొక వ్యక్తికి డ్రగ్స్ పాజిటివ్‌గా నిర్ధారణ అయ్యింది. సిద్ధార్థ ఎండీఎంఏ డ్రగ్స్ తీసుకున్నట్లుగా ఎస్ఓటీ అధికారులు గుర్తించారు. సిద్ధార్థని అదుపులోకి తీసుకొని ఎస్ఓటి అధికారులు మాదాపూర్ పోలీసులకు అప్పగించారు. గత కొంతకాలం నుంచి సిద్దార్థ పెద్ద మొత్తంలో ఎండీఎంఏ డ్రగ్స్ తీసుకుంటున్నట్లు నార్కోటిక్ బ్యూరో గుర్తించింది.