Hyderabad: ఇండియన్‌ సొసైటీ ఆఫ్‌ హైపర్‌ టెన్షన్‌ అధ్యక్షుడిగా డాక్టర్‌ వసంత్‌ కుమార్‌

హైదరాబాద్‌, సెప్టెంబరు 14 (ఆంధ్రజ్యోతి): ఇండియన్‌ సొసైటీ ఆఫ్‌ హైపర్‌ టెన్షన్‌ అధ్యక్షుడిగా డాక్టర్‌ సీహెచ్‌ వసంత్‌ కుమార్‌ ఎన్నికయ్యారు. ప్రముఖ ఫిజీషియన్‌ అయిన డాక్టర్‌ వసంత్‌ కుమార్‌ హైదరాబాద్‌లోని అపోలో ఆస్పత్రిలో సీనియర్‌ కన్సల్టెంట్‌గా వైద్య సేవలందిస్తున్నారు. సెప్టెంబరు 13న రాజస్థాన్‌లోని జైపూర్‌లో ఇండియన్‌ సొసైటీ ఆఫ్‌ హైపర్‌ టెన్షన్‌ అధ్యక్ష పదవికి ఎన్నికలు జరిగాయి. ఆ ఎన్నికల్లో డాక్టర్‌ వసంత్‌ కుమార్‌ ఏకగ్రీవంగా ఎన్నికయ్యారు.

భారతదేశంలో హైపర్‌ టెన్షన్‌కు సంబంధించి ఎక్కువ మంది వృత్తి నిపుణులు ఉన్న సంస్థఇదే. ఇది ఆసియా ఫసిఫిక్‌ సొసైటీ ఆఫ్‌ హైపర్‌ టెన్షన్‌కు అనుబంధంగా కొనసాగుతోంది. భారతదేశంలో రక్తపోటు రాకుండా ముందస్తు జాగ్రత్తలు, నివారణ గురించి ప్రజలకు విస్తృతంగా అవగాహన కల్పిస్తోంది.