Crime news: బాలికతో అసభ్యంగా ప్రవర్తించిన హోంగార్డు అరెస్టు

హైదరాబాద్: రైళ్లో మైనర్ బాలికతో అసభ్యంగా ప్రవర్తించిన హోంగార్డు(Home guard)ను కాచిగూడ రైల్వే పోలీసులు(Kachiguda railway police) అరెస్టు చేశారు. తిరుపతి నుంచి హైదరాబాద్‌కు వెళ్తున్న వెంకటాద్రి ఎక్స్‌ప్రెస్‌లో బాలిక నిద్రిస్తోంది. బాలిక వద్దకు వెళ్లిన హోంగార్డు ఆమెతో అసభ్యంగా ప్రవర్తించాడు. ప్రతిఘటించిన యువతి వెంటనే ఫోన్ ద్వారా తండ్రికి సమాచారం ఇచ్చింది. బాలిక తండ్రి రైల్వే పోలీసులకు సమాచారం అందించారు. ట్రైన్ కాచిగూడ రైల్వేస్టేషన్‌కు చేరుకోగానే ప్రతాప్‌ను రైల్వే పోలీసులు అరెస్టు చేశారు. నిందితుడు ఆంధ్రప్రదేశ్‌లోని కోడూరు పోలీస్ స్టేషన్‌లో హోంగార్డుగా పని చేస్తున్నట్లు గుర్తించారు. హోంగార్డు యూనిఫాంలో ఉండి టికెట్ లేకుండా ప్రయాణిస్తున్నాడని, పోక్సో కేసు నమోదు చేసి రిమాండ్‌కు తరలించినట్లు కాచిగూడ రైల్వే పోలీసులు తెలిపారు.

For more Telangana news and Telugu news..