Hyderabad: ప్రజావాణితోఅందిన ఎలక్ర్టికల్‌ ఆటో
ABN , Publish Date - Nov 23 , 2024 | 05:08 AM
ప్రజావాణితో హైదరాబాద్‌ ఎర్రగడ్డకు చెందిన మేథరి అశోక్‌కు స్వయం ఉపాధి కింద ఎలక్ర్టికల్‌ ఆటో అందింది.
ఆటోలో ప్రయాణించిన ప్రజావాణి ఇంచార్జి చిన్నారెడ్డి, నోడల్‌ ఆఫీసర్‌ దివ్య
బేగంపేట, నవంబరు22 (ఆంధ్రజ్యోతి): ప్రజావాణితో హైదరాబాద్‌ ఎర్రగడ్డకు చెందిన మేథరి అశోక్‌కు స్వయం ఉపాధి కింద ఎలక్ర్టికల్‌ ఆటో అందింది. శుక్రవారం మహాత్మా జ్యోతిబాపూలే ప్రజాభవన్‌లో జరిగిన ప్రజావాణి కార్యక్రమానికి ఆటోతో వచ్చిన అశోక్‌ రాష్ట్ర ప్రణాళిక సంఘం ఉపాధ్యక్షులు, ప్రజావాణి ఇంచార్జీ డా. చిన్నారెడ్డి, నోడల్‌ ఆఫీసర్‌ దివ్య దేవరాజన్‌ను కలిసి ధన్యవాదాలు తెలిపాడు. అంతేకాదు వారిద్దరినీ ఆటోలో ఎక్కించుకుని కొంత దూరం తిప్పి ముచ్చట తీర్చుకున్నాడు. ఆటో ద్వారా రోజుకు వేయి రూపాయలు సంపాదించుకుంటున్నట్లు మేథరి ఆశోక్‌ ఈ సందర్బంగా తెలిపారు.
ప్రజావాణికి 422 దరఖాస్తులు
ప్రజాభవన్‌లో శుక్రవారం నిర్వహించిన ప్రజావాణికి 422 దరఖాస్తులు వచ్చాయి. రాష్ట్ర ప్రణాళిక సంఘం ఉపాధ్యక్షులు, ప్రజావాణి ఇంచార్జీ డా. చిన్నారెడ్డి, నోడల్‌ అధికారి దివ్య దేవరాజన్‌ ప్రజల నుంచి దరఖాస్తులు స్వీకరించడంతో పాటు వారి సమస్యలు తెలుసుకున్నారు.
