TG: గంటల తరబడి చూస్తే.. గల్లా పెట్టె దొరికింది!
ABN , Publish Date - May 13 , 2024 | 03:28 AM
సిద్దిపేట అంబేడ్కర్‌ నగర్‌లో బీఆర్‌ఎస్‌ నాయకుడు జువ్వల కనకరాజు ఇంట్లో భారీగా మద్యం ఉందన్న సమాచారంతో పోలీసులు తనిఖీ చేశారు. ఆదివారం ఉదయం పోలీసులు ఆయన ఇంటికి వెళ్లగా తాళం వేసి ఉంది.
సిద్దిపేట క్రైం, మే 12: సిద్దిపేట అంబేడ్కర్‌ నగర్‌లో బీఆర్‌ఎస్‌ నాయకుడు జువ్వల కనకరాజు ఇంట్లో భారీగా మద్యం ఉందన్న సమాచారంతో పోలీసులు తనిఖీ చేశారు. ఆదివారం ఉదయం పోలీసులు ఆయన ఇంటికి వెళ్లగా తాళం వేసి ఉంది. ఆయన అనారోగ్యంతో బాధపడుతున్న భార్యను హైదరాబాద్‌లోని ఆస్పత్రికి తీసుకెళ్లారు. ఆయన సాయంత్రం ఇంటికి వచ్చేసరికి బీఆర్‌ఎస్‌ నాయకులు, కార్యకర్తలు చేరుకున్నారు. వారు పోలీసులతో వాగ్వాదానికి దిగారు. భారీ బందోబస్తు నడుమ ఇంటి సీల్‌ ఓపెన్‌ చేసి.. తనిఖీ నిర్వహించారు. కానీ ఎలాంటి మద్యం దొరకలేదు. దేవుడి దగ్గర ఉన్న గల్లా పెట్టెలో చిల్లర పైసలు రూ.250 మాత్రమే దొరికాయి.
