TRSMA: ట్రస్మా అధ్యక్షుడిగా నర్సిరెడ్డి
ABN , Publish Date - Sep 21 , 2024 | 03:48 AM
తెలంగాణ రాష్ట్ర గుర్తింపు పొందిన పాఠశాలల యాజమాన్యాల సంఘం (ట్రస్మా) నూతన అధ్యక్షుడిగా ఎస్‌.నర్సిరెడ్డి ఏకగ్రీవంగా ఎన్నికయ్యారు.
బర్కత్‌పుర, సెప్టెంబర్‌ 20 (ఆంధ్రజ్యోతి): తెలంగాణ రాష్ట్ర గుర్తింపు పొందిన పాఠశాలల యాజమాన్యాల సంఘం (ట్రస్మా) నూతన అధ్యక్షుడిగా ఎస్‌.నర్సిరెడ్డి ఏకగ్రీవంగా ఎన్నికయ్యారు. శుక్రవారం హైదరాబాద్‌లోని బషీర్‌బాగ్‌లో జరిగిన రాష్ట్ర కార్యవర్గ సమావేశానికి 25 జిల్లాల ట్రస్మా ప్రతినిధులు హాజరై నూతన కార్యవర్గాన్ని ఎన్నుకున్నారు. ప్రఽధాన కార్యదర్శిగా కె.అనిల్‌కుమార్‌, కోశాధికారిగా శ్రీకాంత్‌రెడ్డి ఎన్నికైనట్లు ఎన్నికల రిటర్నింగ్‌ అధికారి పాపిరెడ్డి తెలిపారు. ఈ సందర్భంగా కొత్త అధ్యక్షుడు నర్సిరెడ్డి మాట్లాడుతూ.. బడ్జెట్‌ పాఠశాలలను చిన్న పరిశ్రమలుగా గుర్తించాలని కేంద్ర, రాష్ట్ర ప్రభుత్వాలకు విజ్ఞప్తి చేశారు.
