TET: ముగిసిన టెట్‌ గడువు..22 వరకు ఎడిట్‌ ఆప్షన్‌
ABN , Publish Date - Nov 21 , 2024 | 05:11 AM
రాష్ట్రంలో టెట్‌కు దరఖాస్తు చేసుకునే గడువు బుధవారంతో ముగిసింది. మొత్తం 2,48,172 దరఖాస్తులు దాఖలు అయ్యాయి.
హైదరాబాద్‌, నవంబరు 20 (ఆంధ్రజ్యోతి): రాష్ట్రంలో టెట్‌కు దరఖాస్తు చేసుకునే గడువు బుధవారంతో ముగిసింది. మొత్తం 2,48,172 దరఖాస్తులు దాఖలు అయ్యాయి. పేపర్‌-1కు 71,655, పేపర్‌-2కు 1,55,971, రెండు పేపర్లకు 20,546 దరఖాస్తులు వచ్చాయి. కాగా, అభ్యర్థుల దరఖాస్తుల్లో తప్పులను సరిచేసుకోవడానికి వీలుగా ఈ నెల 22వ తేదీ వరకు ఎడిట్‌ ఆప్షన్‌ను కల్పించారు. కాగా, రంగారెడ్డి జిల్లాలో ఈ నెల 17 నుంచి సర్వర్లు మొరాయించాయి. దీంతో చాలామంది విద్యార్థులు దరఖాస్తు చేసుకోలేకపోయారు. గడువు పెంచాలని కోరుతున్నారు.
