T-SAT: ‘జనరల్‌ స్టడీస్‌ ఫర్‌ ఆల్‌’
ABN , Publish Date - Nov 25 , 2024 | 03:42 AM
రాష్ట్రంలో పోటీ పరీక్షలు రాసే అభ్యర్ధుల కోసం ‘‘జనరల్‌ స్టడీస్‌ ఫర్‌ ఆల్‌’’ పేరుతో అన్ని పోటీ పరీక్షలకు ఉపయోగపడే అంశాలపై ‘టీ-సాట్‌’ ప్రసారాలను అందుబాటులోకి తీసుకొస్తోంది.
5 నెలల పాటు 600 ఎపిసోడ్స్‌
ప్రసారం చేయనున్న టీ-సాట్‌
హైదరాబాద్‌, నవంబరు 24 (ఆంధ్రజ్యోతి): రాష్ట్రంలో పోటీ పరీక్షలు రాసే అభ్యర్ధుల కోసం ‘‘జనరల్‌ స్టడీస్‌ ఫర్‌ ఆల్‌’’ పేరుతో అన్ని పోటీ పరీక్షలకు ఉపయోగపడే అంశాలపై ‘టీ-సాట్‌’ ప్రసారాలను అందుబాటులోకి తీసుకొస్తోంది. ఈ మేరకు ఆయా పోటీ పరీక్షల పాఠ్యాంశాలపై సోమవారం నుంచి 5 నెలల పాటు 600 ఎపిసోడ్‌లు ప్రసారం చేయనున్నట్టు టీ-సాట్‌ సీఈవో వేణుగోపాల్‌రెడ్డి తెలిపారు. టీ-సాట్‌ నిపుణ చానల్‌లో మధ్యాహ్నం 12 గంటల నుంచి 1 గంట వరకు, 3 గంటల నుంచి 4 వరకు, విద్య చానల్‌లో రాత్రి 8గంటల నుంచి 10గంటల వరకు ఈ ప్రసారాలు ఉంటాయని ఆదివారం ఒక ప్రకటనలో పేర్కొన్నారు.
