Borugadda Anil: అనిల్‌తో మైనర్ బాలుడి ములాఖత్
ABN , Publish Date - Nov 12 , 2024 | 05:28 PM
గుంటూరు అరండల్ పోలీసు స్టేషన్‌లో ఉన్న బోరుగడ్డ అనిల్ను ఓ మైనర్ బాలుడు కలిశాడు. దీంతో అతను ఎవరు, అనిల్ను ఎందుకు కలిశాడు, ఏం మాట్లాడాడు అనే అంశాలపై ఉత్కంఠ నెలకొంది.
గుంటూరు: బెదిరించిన కేసులో అరెస్టై జైలులో ఉన్న రౌడీ షీటర్, వైసీపీ నేత బోరుగడ్డ అనిల్ కుమార్‌ నిత్యం వార్తల్లో ఉంటున్నారు. ఓ రోజు బిర్యానీ తిని హైలెట్ అయ్యారు. మరో రోజు పోలీసులను దిండు, దుప్పటి అడిగి సెన్సేషన్ అయ్యాడు. తాజాగా అరండల్ పోలీసు స్టేషన్‌లో ఉన్న బోరుగడ్డ అనిల్ను ఓ మైనర్ బాలుడు కలిశాడు. దీంతో అతను ఎవరు, అనిల్ను ఎందుకు కలిశాడు, ఏం మాట్లాడాడు అనే అంశాలపై ఉత్కంఠ నెలకొంది. అనిల్‌తో బాలుడు ఉన్న సమయంలో ఓ కానిస్టేబుల్ అక్కడ ఉన్నాడు. దానికి సంబంధించిన వీడియో సోషల్ మీడియాలో తెగ చక్కర్లు కొడుతోంది.
