Tirumala:శ్రీవారి ఆలయానికి పోటెత్తిన భక్తులు: తిరుమలలో భారీ వర్షం
ABN , Publish Date - May 17 , 2024 | 05:56 PM
తిరుమలలో భారీ వర్షం కురిసింది. శుక్రవారం ఉదయం నుంచి మేఘావృతమైన ఆకాశం.. మధ్యాహ్నం భారీ వర్షం కురిసింది.
తిరుమల, మే 17: తిరుమలలో భారీ వర్షం కురిసింది. శుక్రవారం ఉదయం నుంచి మేఘావృతమైన ఆకాశం.. మధ్యాహ్నం భారీ వర్షం కురిసింది. దీంతో తీవ్ర ఉక్క పోతతో అవస్థలు పడుతున్న శ్రీవారి భక్తులకు ఒక్కసారిగా ఊరట లభించింది. ఒక్కసారిగా వర్షం పడడంతో.. శ్రీవారి ఆలయం వద్ద ఉన్న భక్తులు.. షెడ్ల కిందకు పరుగులు తీశారు.
ఉదయం నుంచి వాతావరణం ఉక్క పోతగా ఉండడం.. అనంతరం వర్షం పడడంతో తిరుమలలో వాతావరణం ఒక్కసారిగా అహ్లాదకరంగా మారింది. మరోవైపు తిరుమలలో భక్తుల రద్దీ కొనసాగుతుంది. దీంతో పలు కంపార్ట్‌మెంట్లు భక్తులతో కిక్కిరిసిపోయాయి.
