మహిళా కబడ్డీ పోటీలు ప్రారంభం
ABN , Publish Date - Jan 16 , 2025 | 12:40 AM
సంక్రాంతి పండుగ సందర్భంగా తూర్పు ప్రాతకోట గ్రామంలోని గంగా పార్వతి, నాగేశ్వరస్వామి తిరుణాల సందర్భంగా మంగళవారం జాతీయ స్థాయి మహిళ కబడ్డీ పోటీలు ప్రారంభమయ్యాయి.
పగిడ్యాల, జనవరి 15(ఆంధ్రజ్యోతి): సంక్రాంతి పండుగ సందర్భంగా తూర్పు ప్రాతకోట గ్రామంలోని గంగా పార్వతి, నాగేశ్వరస్వామి తిరుణాల సందర్భంగా మంగళవారం జాతీయ స్థాయి మహిళ కబడ్డీ పోటీలు ప్రారంభమయ్యాయి. ఈ పోటీలను హైకోర్టు జడ్డి జస్టిస్‌ ఎన్‌. హరినాథ్‌రెడ్డి, గ్రామ సర్పంచ్‌ శేషమ్మ ప్రారంభించారు. ఈ పోటీలను తిలకించడానికి చుట్టుపక్కల గ్రామాలకు చెందిన వారు హాజరు కావడంతో దేవాలయ ఆవరణం ఈలలు, కేరింతలతో మార్మోగింది.
