Railway Station: దేశంలో ఎక్కువ ఆదాయం వచ్చే రైల్వే స్టేషన్ ఇదే.. సికింద్రాబాద్ ర్యాంక్

భారతదేశంలోని రైల్వే స్టేషన్ల (Railway Stations) నుంచి ప్రతి సంవత్సరం కోట్లాది రూపాయలు వస్తున్నాయి. రైల్వేలు ప్రతి సంవత్సరం పలు రైల్వే స్టేషన్ల నుంచి భారీగా డబ్బు సంపాదిస్తున్నాయి. అయితే ఈ రైల్వే స్టేషన్లలో ఎక్కువ ఆదాయం ఏ స్టేషన్ నుంచి వస్తుందనే విషయాలను ఇక్కడ తెలుసుకుందాం. భారతీయ రైల్వేలు విస్తారమైన నెట్‌వర్క్ కల్గి ఉండటంతో ప్రపంచంలోనే నాల్గో అతిపెద్ద రైల్వే నెట్‌వర్క్‌ను కల్గి ఉన్నాయి. ఈ క్రమంలో ప్రతిరోజూ 13కి పైగా రైళ్లు పట్టాలపై నడుస్తాయి. ప్రతిరోజు 2 కోట్ల మంది రైల్వే ప్రయాణికులు రైళ్లలో ప్రయాణిస్తున్నారు.

కోట్లాది రూపాయలు

భారతీయ రైల్వేలో దేశవ్యాప్తంగా 7,308 కంటే ఎక్కువ రైల్వే స్టేషన్లు ఉన్నాయి. వీటి ద్వారా ప్రతిరోజూ వందలాది రైళ్లు ప్రయాణిస్తున్నాయి. ఈ ఆదాయం ప్రధానంగా దుకాణాలు, ప్రకటనలు, ప్లాట్‌ఫారమ్ టిక్కెట్లు, క్లాక్ రూమ్‌లు, వెయిటింగ్ హాళ్లు వంటి వనరుల నుంచి వస్తుంది. దీంతో రైల్వే స్టేషన్ల ద్వారా ఏటా కోట్లాది రూపాయల ఆదాయం భారతీయ రైల్వేకు వస్తోంది. దీని కోసం రైల్వే స్టేషన్లలో అనేక ఆదాయ వనరులు ఉన్నాయి. వాటి ద్వారా రైల్వే శాఖ కోట్లాది రూపాయలను ఆర్జిస్తుంది.

అత్యధికంగా సంపాదిస్తున్న రైల్వే స్టేషన్

దుకాణాలు, ఇతర ప్రకటనల ద్వారా కూడా ఆదాయం వస్తుంది. ఈ క్రమంలోనే రైల్వే ప్రతి సంవత్సరం ఈ స్టేషన్ల నుంచి భారీ ఆదాయాన్ని ఆర్జిస్తుంది. రైల్వేలు ప్రకటనలు, దుకాణాలు, ప్లాట్‌ఫారమ్ టిక్కెట్‌లు, క్లాక్ రూమ్‌లు, వెయిటింగ్ హాళ్లు... ఇలా స్టేషన్‌లోని అన్ని వస్తువుల ద్వారా భారీ ఆదాయాన్ని పొందుతున్నాయి. దేశంలో అత్యధిక ఆదాయాన్ని ఆర్జించే రైల్వే స్టేషన్ దేశ రాజధాని న్యూఢిల్లీ రైల్వే స్టేషన్. రైల్వేలు విడుదల చేసిన డేటా ప్రకారం న్యూఢిల్లీ రైల్వే స్టేషన్ 2023-24 ఆర్థిక సంవత్సరంలో అత్యధికంగా ఆర్జించింది. ఆ క్రమంలో న్యూఢిల్లీ రైల్వే స్టేషన్ నుంచి రైల్వేకు రూ. 3337 కోట్ల ఆదాయం వచ్చింది.

సంపాదనలో రెండో స్థానంలో?

ఇది అత్యధిక ఆదాయాన్ని ఆర్జించే స్టేషన్ మాత్రమే కాదు, అత్యంత రద్దీగా ఉండే రైల్వే స్టేషన్లలో ఒకటిగా నిలిచింది. 2023-24 ఆర్థిక సంవత్సరంలో ఇక్కడి నుంచి 39,362,272 మంది ప్రయాణికులు రాకపోకలు కొనసాగించారు. స్టేషన్ల ద్వారా వచ్చే ఆదాయమే రైల్వేలకు ప్రధాన ఆదాయ వనరు. ఆదాయంలో హౌరా రైల్వే స్టేషన్ రెండో స్థానంలో ఉంది. ఈ స్టేషన్ వార్షిక ఆదాయం రూ.1692 కోట్లు. హౌరా రైల్వే స్టేషన్ అత్యంత రద్దీగా ఉండే రైల్వే స్టేషన్. 2023-24 ఆర్థిక సంవత్సరంలో ఇక్కడి నుంచి 61,329,319 మంది ప్రయాణికుల రాకపోకలు జరిగాయి.

మూడో నంబర్‌లో ఏ స్టేషన్ ఉంది?

వసూళ్ల పరంగా చెన్నై సెంట్రల్ మూడో స్థానంలో ఉంది. దక్షిణ భారత దేశంలోని ఈ రైల్వే స్టేషన్ ఒక్క ఏడాదిలో రూ.1299 కోట్లు ఆర్జించింది. ఈ కాలంలో 30,599,837 మంది ప్రయాణికులు రాకపోకలు సాగించారు. 500 కోట్ల కంటే ఎక్కువ ఆదాయం ఉన్న రైల్వే స్టేషన్లు నాన్-సబర్బన్ గ్రూప్-I (NSG-1) కేటగిరీ కింద చేర్చబడ్డాయి. ఈ జాబితాలో 28 రైల్వే స్టేషన్లు ఉన్నాయి.

నాలుగో నంబర్‌లో ఏ స్టేషన్ ఉంది?

ఆదాయం పరంగా తెలంగాణలోని సికింద్రాబాద్ (Secunderabad) రైల్వే స్టేషన్ నాలుగో స్థానంలో నిలిచింది. 2023-24 ఆర్థిక సంవత్సరంలో, ఇది రూ. 1276 కోట్లను ఆర్జించింది. ఇక్కడి నుంచి 27,776,937 రైల్వే ప్రయాణీకులు రాకపోకలు కొనసాగించారు. ఢిల్లీలోని మరో రైల్వే స్టేషన్ టాప్ 5లో నిలిచింది. ఢిల్లీలోని హర్జత్ నిజాముద్దీన్ రైల్వే స్టేషన్ ర్యాంకింగ్‌లో ఐదో స్థానంలో నిలిచింది. 2023-24 ఆర్థిక సంవత్సరంలో రూ.1227 కోట్లు ఆర్జించింది. ఇక్కడి నుంచి 14,537,687 మంది ప్రయాణికులు రాకపోకలు జరిపారు.

ప్రయాణికుల రద్దీ పరంగా

న్యూఢిల్లీ రైల్వే స్టేషన్ ఆదాయాల పరంగా మొదటి స్థానంలో ఉండగా, ముంబై యొక్క CST రైల్వే స్టేషన్ ప్రయాణీకుల సంఖ్య పరంగా అగ్రస్థానంలో ఉంది, ఇక్కడ నుండి 51,652,230 మంది ప్రయాణికులు రైళ్లను పట్టుకున్నారు. న్యూఢిల్లీ రైల్వే స్టేషన్‌లో ఒక సంవత్సరంలో 39.36 కోట్ల మంది ప్రయాణికులు ప్రయాణించారు.

ఇవి కూడా చదవండి:

Investment Tips: ఒకేసారి ఈ పెట్టుబడి చేసి మర్చిపోండి.. 15 ఏళ్లకే మీకు కోటీ

Viral News: వేల కోట్ల రూపాయలు సంపాదించా.. కానీ ఏం చేయాలో అర్థం కావట్లే..

Investment Tips: సిప్ పెట్టుబడుల మ్యాజిక్.. ఇలా రూ. 7 కోట్లు పొందండి..

Viral News: ఈ భారత సీఈవో జీతం రోజుకు రూ. 48 కోట్లు.. సత్య నాదెళ్ల, సుందర్ పిచాయ్ కాదు..

Bima Sakhi Yojana: బీమా సఖి యోజన స్కీం ఇలా అప్లై చేయండి.. నెలకు రూ.7 వేలు పొందండి..

Personal Finance: జస్ట్ నెలకు రూ. 3500 సేవ్ చేస్తే.. రూ. 2 కోట్లు మీ సొంతం..

Investment Tips: రూ. 20 వేల శాలరీ వ్యక్తి.. ఇలా రూ. 6 కోట్లు సంపాదించుకోవచ్చు..

Read More Business News and Latest Telugu News