Health Tips: థైరాయిడ్ ఉన్నవారు ఈ ఆహారాలను తీసుకోండి..

థైరాయిడ్ అనేది మెడలో ఉండే గ్రంథి అని అందరికీ తెలిసిందే. శరీరం యొక్క సరైన పనితీరుకు అవసరమైన హార్మోన్లను ఉత్పత్తి చేయడానికి థైరాయిడ్ పనిచేస్తుంది. కానీ థైరాయిడ్ గ్రంధిలో అడ్డుపడటం వలన అది చాలా తక్కువ లేదా ఎక్కువ థైరాయిడ్ హార్మోన్ను ఉత్పత్తి చేస్తుంది. ఈ సమస్యను నియంత్రించడానికి మీరు తినే ఆహారం విషయంలో జాగ్రత్తగా ఉండాలి. కాబట్టి, థైరాయిడ్ నియంత్రణ కోసం ఏ ఆహారాలు తినాలి? ఏ ఆహారాలు తినకూడదు అనే విషయాల గురించి తెలుసుకుందాం..

అయోడిన్: థైరాయిడ్ ఆరోగ్యానికి ముఖ్యమైన పాత్ర పోషించే పోషకం అయోడిన్ . అయోడైజ్డ్ ఉప్పు, పాల ఉత్పత్తులను ఉపయోగించండి. కానీ, మీరు హైపర్ థైరాయిడిజంతో బాధపడుతుంటే అయోడిన్ ఎక్కువగా తీసుకోకండి.

జింక్: మాంసం, చేపలు, సీఫుడ్, వెల్లుల్లి వంటి ఆహారాలలో జింక్ లభిస్తుంది. ఈ ఆహారాలలో ఒమేగా -3 కొవ్వు ఆమ్లాలు కూడా ఉంటాయి. కాబట్టి థైరాయిడ్ సమస్య ఉన్న వారు వీటిని ఎక్కువగా తీసుకుంటే మంచిది. ఇది థైరాయిడ్‌ను అదుపులో ఉంచుతుంది.

పండ్లు, కూరగాయలు: పండ్లు, కూరగాయలలోని యాంటీ ఆక్సిడెంట్లు శరీరం యొక్క మొత్తం ఆరోగ్యాన్ని మెరుగుపరుస్తాయి. కాబట్టి మీరు పండ్లు, కూరగాయలు తినడం ఆరోగ్యానికి మంచిది.

రెగ్యులర్ వ్యాయామం: వ్యాయామం, స్విమ్మింగ్, యోగా, మార్నింగ్ వాకింగ్ వంటివి ఆరోగ్యానికి మేలు చేస్తాయి. థైరాయిడ్ సమస్యలతో బాధపడేవారికి క్రమం తప్పకుండా వ్యాయామం చేయడం చాలా ముఖ్యం.

నీరు: ఎక్కువ నీరు తాగడం వల్ల బరువు తగ్గే అవకాం ఉంటుంది. శరీరం నుండి టాక్సిన్స్ తొలగిపోతాయి. శరీరంలో మెటబాలిజం మెరుగ్గా ఉండాలంటే పుష్కలంగా నీరు త్రాగాలి.

అధిక చక్కెర ఆహారాలను నివారించండి: అధిక చక్కెర ఆహారాలకు దూరంగా ఉంటే మంచిది. లేదంటే ఆరోగ్యానికి చెడిపోతుంది.

ఆల్కహాల్ పరిమితం: అధిక ఆల్కహాల్ వినియోగం థైరాయిడ్ హార్మోన్ ఉత్పత్తికి ఆటంకం కలిగిస్తుంది. కాబట్టి, ఆల్కహాల్ వినియోగాన్ని పరిమితం చేయండి.

నివారించాల్సిన ఆహారాలు: జంక్ ఫుడ్, ప్రాసెస్డ్ ఫుడ్, ఫ్యాటీ ఫుడ్స్‌కు దూరంగా ఉండాలి. థైరాయిడ్ సమస్యలు ఉన్నవారు సోయా బీన్, సోయా సాస్ వంటి ఆహారాలను తగ్గించాలి లేదా దూరంగా ఉండాలి. క్యాలీఫ్లవర్, క్యాబేజీని క్రమం తప్పకుండా తీసుకోవాలి.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)