Thailand: ఇకపై చట్టబద్ధంగా క్యాసినో, జూదం.. ఈ గేమింగ్ ప్రియులకే పండగే..
ABN , Publish Date - Jan 13 , 2025 | 06:20 PM
పర్యాటకం, ఆర్థిక వ్యవస్థను ప్రోత్సహించడానికి థాయిలాండ్ ప్రభుత్వం కీలక నిర్ణయం తీసుకుంది. ఈ క్రమంలో క్యాసినో సహా జూదం వంటి అనేక ఆటలను చట్టబద్ధం చేసే ముసాయిదా బిల్లును మంత్రివర్గం ఆమోదించింది. ఆ విశేషాలేంటో ఇక్కడ తెలుసుకుందాం.
పర్యాటకం, మందగమన ఆర్థిక వ్యవస్థను ప్రోత్సహించే లక్ష్యంతో థాయిలాండ్ (Thailand) ప్రభుత్వం సంచలన నిర్ణయం తీసుకుంది. ఈ క్రమంలో క్యాసినోలను చట్టబద్ధం చేసే వివాదాస్పద ముసాయిదా బిల్లును థాయిలాండ్ మంత్రివర్గం సోమవారం ఆమోదించింది. దీంతో క్యాసినో (Casino), జూదం, బాక్సింగ్, గుర్రపు పందాల వంటి బెట్టింగ్ కార్యకలాపాలు సులభంగా అనుమతించబడతాయి. ఈ బిల్లు మరిన్ని పెట్టుబడులను ఆకర్షించడానికి, అక్రమ జూదం సమస్యలను పరిష్కరించడానికి సహాయపడుతుందని అక్కడి ప్రధాన మంత్రి పటోంగ్‌టార్న్ షినవత్రా క్యాబినెట్ సమావేశం తర్వాత మీడియాతో తెలిపారు.
దేశం మొత్తానికి...
ఇది భవిష్యత్తులో దేశం మొత్తానికి ప్రయోజనం చేకూరుస్తుందిని ప్రధాని అన్నారు. ఈ బిల్లు పార్లమెంటులో ప్రస్తావించబడిన తర్వాత స్థిరమైన పర్యాటకానికి మద్దతు ఇవ్వడంతోపాటు ప్రభుత్వానికి కూడా మేలు జరుగుతుందన్నారు. ఈ బిల్లును స్పాన్సర్ చేసిన ఆర్థిక మంత్రిత్వ శాఖ "వినోద సముదాయాలు"గా ప్రచారం చేయబడుతున్న పథకాల గురించి మరిన్ని వివరాలను తరువాత అందిస్తుందని ఆయన అన్నారు. సెప్టెంబర్‌లో అధికారం చేపట్టిన ప్రస్తుత ప్రభుత్వం దేశ ఆర్థిక సమస్యలను తమ ప్రధాన ఎజెండాగా చేసుకుంటామని వెల్లడించింది.
కనీస వయస్సు కూడా..
ఈ క్రమంలో ఆన్‌లైన్‌లో ప్రచురించబడిన ముసాయిదా చట్టం ప్రకారం హోటల్, కన్వెన్షన్ హాల్, మాల్ లేదా థీమ్ పార్క్ వంటి ఇతర వ్యాపారాలను కలిగి ఉన్న అన్ని కాంప్లెక్స్‌లలో క్యాసినో వంటి గేమ్స్ అనుమతించబడతాయని పేర్కొన్నారు. ముసాయిదా ప్రకారం 20 సంవత్సరాల కంటే తక్కువ వయస్సు ఉన్నవారికి క్యాసినో ఆడేందుకు అనుమతి లేదు. ఇది విదేశీయుల కోసం ఉచితంగా తెరిచి ఉంటుంది. కానీ థాయ్ పౌరులు మాత్రం ప్రవేశ రుసుము కోసం 5,000 భాట్ (USD 148) చెల్లించాలి.
ఈ బిల్లు లక్ష్యం ఏంటంటే..
ఈ బిల్లును థాయ్ కౌన్సిల్ ఆఫ్ స్టేట్ కార్యాలయానికి సమీక్ష కోసం సమర్పించి, ఆపై పార్లమెంటులో ప్రతినిధుల సభ, సెనేట్ సభ్యులు చర్చించి ఓటు వేస్తారని ప్రభుత్వ ప్రతినిధి జిరాయు హోంగ్‌సబ్ తెలిపారు. థాయ్ లాండ్ దేశ పర్యాటక రంగానికి ఆదాయాన్ని సమకూర్చడమే ఈ ప్రాజెక్టు లక్ష్యమని ఆయన ఒక ప్రకటనలో తెలిపారు. థాయ్ ఆర్థిక వ్యవస్థకు పర్యాటకం ప్రధాన చోదక శక్తిగా ఉంది. ఈ నిర్ణయంతో మరిన్ని పెట్టుబడులు రావడంతోపాటు పర్యాటకం కూడా పెరగనుంది. దీంతో ఈ దేశ ఆర్థిక వ్యవస్థకు మరిన్ని నిధులు వచ్చే ఛాన్సుంది.
ఇవి కూడా చదవండి:
Investment Tips: 20 ఏళ్లలో రూ. 5 కోట్లు సంపాదించాలంటే.. ఏ స్కీంలో పెట్టుబడి చేయాలి..
Investment Tips: రూ. 20 వేల శాలరీ వ్యక్తి.. ఇలా రూ. 6 కోట్లు సంపాదించుకోవచ్చు..
Public Holidays: 2025లో పబ్లిక్ హాలిడేస్ ఎన్ని రోజులో తెలుసా..
Read More International News and Latest Telugu News
