Viral Video: భూ భ్రమణం వీడియో ఎప్పుడైనా చూశారా.. నెట్టింట వైరల్

భూమి తన చుట్టు తాను ప్రతి రోజు భ్రమణం చేస్తుందని పలువురు అంటున్నారు. కానీ అనేక మంది ఇది నిజమా అని భావిస్తుంటారు. కానీ ఈ వీడియో చూస్తే మాత్రం నిజమే అనిపిస్తుంది. ఎందుకంటే భారతీయ ఖగోళ శాస్త్రవేత్త డోర్జే వాంగ్‌చుక్ (Wangchuk) ఇటీవల భూమి భ్రమణాన్ని ఒక టైమ్-లాప్స్ వీడియో ద్వారా అద్భుతంగా ప్రదర్శించారు. అందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. వాంగ్‌చుక్, లడఖ్‌లోని హాన్లే ప్రాంతంలో ఉన్న ఇండియన్ ఆస్ట్రోనామికల్ అబ్జర్వేటరీలో ఇంజనీర్ ఇన్ చార్జ్‌గా పనిచేస్తున్నారు. ఆయన ఈ ప్రాజెక్టు కోసం ఒక పూర్తి రోజు పని అంకితం చేసి, భూమి భ్రమణాన్ని కళ్లతో చూడాలనుకునేలా దృశ్యమానంగా వెలుగులోకి తెచ్చారు.

అద్భుతమైన వీడియో..

ఈ వీడియోలో భూమి భ్రమణాన్ని ఆంగ్‌చుక్ 24 గంటల ఫుటేజ్‌ను సమీకరించి ఒక నిమిషం క్లిప్‌లో చూపించారు. సాధారణంగా మనం నక్షత్రాలను స్థిరంగా చూస్తాము. భూమి ఎలాంటి కదలిక చేస్తుందో మనకు తెలీదు. కానీ ఈ వీడియోలో మాత్రం వాంగ్‌చుక్ చూపించిన విధానం ఎంతో వినూత్నంగా ఉంది. నక్షత్రాలు కదిలిపోతున్నట్లు అనిపించే పరిణామం.. భూమి భ్రమణం వల్లనే ఏర్పడుతుందనేది స్పష్టంగా చూపించారు. భూమి ఈ భ్రమణాన్ని వివరించడానికి టైమ్-లాప్స్ ఫోటోగ్రఫీని వినియోగించడం ద్వారా ఒక అద్భుతమైన వీడియో వెలుగులోకి వచ్చింది.

కఠినమైన పరిస్థితులు..

ఈ ప్రాజెక్టును రూపొందించడం అత్యంత కష్టమైన పని అని చెప్పవచ్చు. ఎందుకంటే లడఖ్ ప్రాంతం కఠినమైన వాతావరణ పరిస్థితులు కలిగిన ప్రాంతంగా ప్రసిద్ధి చెందింది. వాంగ్‌చుక్ ఈ ప్రాజెక్టులో తమ నిబద్ధతను చూపించారు. ఎందుకంటే ఈ వీడియోని సృష్టించడంలో ఆయన అనేక సవాళ్లను ఎదుర్కొనాల్సి వచ్చిందని చెప్పారు. వాతావరణ పరిస్థితులు కఠినమైనప్పటికీ, ఆయన లక్ష్యం స్పష్టంగా ఉంది. విద్యార్థులకు ఖగోళ శాస్త్రాన్ని సులభంగా అర్థమయ్యేలా చేయడం. భూమి భ్రమణం గురించి అనేక మందికి ఆసక్తిని కలిగించేలా, విద్యా ప్రయోజనాలతో చూపించడమే లక్ష్యమని ఆయన అన్నారు.

ఖగోళ ప్రియులందరికీ..

డోర్జే వాంగ్‌చుక్ ఇలాంటి ఖగోళ ప్రాజెక్టులు రూపొందించడంలో మరింత కృషి చేస్తున్నారు. తద్వారా విద్యార్థులు ఈ శాస్త్రాన్ని ఆసక్తిగా నేర్చుకునే అవకాశాన్ని పొందగలుగుతారు. డోర్జే వాంగ్‌చుక్ వంటి శాస్త్రవేత్తలు కేవలం శాస్త్రజ్ఞానాన్ని మాత్రమే కాక, దాన్ని విద్యార్థులకు బోధించడానికి అవసరమైన సులభమైన రూపంలోను అందించడం ద్వారా మనం ప్రపంచాన్ని మరింత సులభంగా అర్థం చేసుకోవచ్చు. ఈ వీడియోతో ఆయన భూమి భ్రమణాన్ని అర్థమయ్యేలా చూపించారు. దీంతో ఖగోళ శాస్త్రాన్ని మరింత సమగ్రంగా అర్థం చేసుకోవచ్చు. ఈ ప్రాజెక్టు ప్రపంచవ్యాప్తంగా విద్యార్థులకు, శాస్త్రవేత్తలకు, ఖగోళ శాస్త్ర ప్రియులందరికీ ప్రేరణగా నిలిచిందని చెప్పవచ్చు.

ఇవి కూడా చదవండి:

Donald Trump: డొనాల్డ్ ట్రంప్ భారీ సుంకాలపై.. కెనడా, మెక్సికో, చైనా రియాక్షన్..

Donald Trump: ఈ దేశాలకు షాకిచ్చిన ట్రంప్.. భారీగా సుంకాలు విధింపు..

Investment Tips: రూ. 20 వేల శాలరీ వ్యక్తి.. ఇలా రూ. 6 కోట్లు సంపాదించుకోవచ్చు..

Investment Tips: 20 ఏళ్లలో రూ. 5 కోట్లు సంపాదించాలంటే.. ఏ స్కీంలో పెట్టుబడి చేయాలి..

Public Holidays: 2025లో పబ్లిక్ హాలిడేస్ ఎన్ని రోజులో తెలుసా..

Read More International News and Latest Telugu News