తీన్మార్‌ మల్లన్నకు షోకాజ్‌ నోటీస్‌

బీసీ కులగణన నివేదికపై వ్యాఖ్యల మీద 12లోగా వివరణ ఇవ్వాలి: కాంగ్రెస్‌ క్రమశిక్షణ కమిటీ

హైదరాబాద్‌, ఫిబ్రవరి 6 (ఆంధ్రజ్యోతి): బీసీ కుల గణన నివేదికపై వివాదాస్పద వ్యాఖ్యలు చేసిన కాంగ్రెస్‌ ఎమ్మెల్సీ సీహెచ్‌.నవీన్‌ (తీన్మార్‌ మల్లన్న)కు టీపీసీసీ క్రమశిక్షణ కమిటీ షోకాజ్‌ నోటీసు జారీ చేసింది. కులగణన పూర్తి చేసి చరిత్ర సృష్టించిన తొలి రాష్ట్రంగా తెలంగాణ గుర్తింపు పొందిన సమయంలో పార్టీ నిబంధనలు ఉల్లంఘించి విమర్శలు చేయడాన్ని టీపీసీసీ తీవ్రంగా పరిగణించింది. రాహుల్‌ గాంధీ ఆదేశాలు, పార్టీ అధినాయకత్వం నిర్ణయానికి వ్యతిరేకంగా పరుష పదజాలంతో చేసిన వ్యాఖ్యలపై ఈ నెల 12లోగా వివరణ ఇవ్వాలని తీన్మార్‌ మల్లన్నను ఆదేశిస్తూ టీపీసీసీ క్రమశిక్షణ కమిటీ చైర్మన్‌ చిన్నారెడ్డి షోకాజ్‌ నోటీసు జారీచేశారు.

కుల గణన నివేదికపై బీసీల మనోభావాలకు తూట్లు పొడిచేలా చేసిన వ్యాఖ్యలపై క్రమశిక్షణ కమిటీకి పార్టీ శ్రేణులతో పాటు ఓబీసీ సంఘాల నుంచి వచ్చిన ఫిర్యాదులను పరిగణనలోకి తీసుకుని నోటీసు జారీ చేస్తున్నట్లు చిన్నారెడ్డి స్పష్టం చేశారు. కులగణన నివేదికపై మంత్రివర్గంలో చర్చించిన తర్వాత 10 శాతం ముస్లిం వర్గాలతో కలిపి రాష్ట్రంలో 56 శాతానికి పైగా బీసీలు ఉన్నట్లు సీఎం రేవంత్‌రెడ్డి శాసనసభలో ప్రకటించారన్నారు. కాంగ్రెస్‌ ఎమ్మెల్సీగా బాధ్యతలను విస్మరించి, పార్టీ ప్రయోజనాలకు విఘాతం కలిగించేలా మాట్లాడడాన్ని తీవ్రంగా పరిగణిస్తున్నట్లు షోకాజ్‌ నోటీసులో పేర్కొన్నారు. 12లోగా సరైన వివరణ అందించాలని, లేని పక్షంలో పార్టీ నిబంధనలకు అనుగుణంగా క్రమశిక్షణ చర్యలు తీసుకోవాల్సి వస్తుందని నోటీసులో స్పష్టం చేశారు.

ఇవి కూడా చదవండి:

Bank Holidays: ఫిబ్రవరి 2025లో బ్యాంకు సెలవులు ఎన్ని రోజులంటే.. పూర్తి జాబితా..

8th Pay Commission: ప్యూన్ నుంచి ఆఫీసర్ జీతాలు ఎలా పెరుగుతాయంటే.. నెలకు లక్షకుపైగా

RBI Report: దేశంలో క్రెడిట్, డెబిట్ కార్డులు ఎన్ని ఉన్నాయంటే.. వీటి వాడకంలో

IRCTC: తక్కువ ధరలకే కుంభమేళా టూర్ ప్యాకేజీ.. ఇలా బుక్ చేసుకోండి మరి..

Read More Business News and Latest Telugu News