Modi Wishes: చిరంజీవి విలక్షణమైన నటుడు
ABN , First Publish Date - 2022-11-21T14:08:29+05:30 IST
మెగాస్టార్ చిరంజీవికి ఇండియన్‌ ఫిల్మ్‌ పర్సనాలిటీ పురస్కారం వరించడంపై ప్రధాన మంత్రి నరేంద్ర మోదీ ట్విట్టర్ వేదికగా అభినందనలు తెలియజేశారు.
న్యూఢిల్లీ: మెగాస్టార్ చిరంజీవి (Megastar Chiranjeevi)కి ఇండియన్‌ ఫిల్మ్‌ పర్సనాలిటీ పురస్కారం వరించడంపై ప్రధాన మంత్రి నరేంద్ర మోదీ (PM Narendra Modi) ట్విట్టర్ వేదికగా అభినందనలు తెలియజేశారు. ‘‘చిరంజీవి విలక్షణమైన నటుడు. అద్భుతమైన వ్యక్తిత్వంతో, విభిన్న నటనాచాతుర్యంతో అనేక పాత్రలు పోషించి కొన్ని తరాల ప్రేక్షకుల అభిమానాన్నీ, ఆదరణనూ చూరగొన్నారు’’ అంటూ నరేంద్ర మోదీ ట్వీట్ చేశారు.
కాగా... మెగాస్టార్‌కు అరుదైన పురస్కారం వరించింది. నాలుగు దశాబ్దాలుగా సినీ పరిశ్రమకు ఆయన అందించిన సేవలకు గాను ఇండియన్‌ ఫిల్మ్‌ పర్సనాలిటీ పురస్కారం లభించింది. ఆదివారం గోవాలో ప్రారంభమైన 53వ ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా కార్యక్రమంలో కేంద్ర సమాచార ప్రసార శాఖమంత్రి అనురాగ్‌ ఠాకూర్‌ (Anurag Thakur) ఈ విషయాన్ని ప్రకటించిన విషయం తెలిసిందే.
