Indian Girl: విజిట్ వీసాపై సౌదీ వెళ్లిన 4ఏళ్ల బాలిక.. జెడ్డాలో అనుమానాస్పద మృతి!

జెడ్డా: సౌదీ అరేబియాలో (Saudi Arabia) విషాద ఘటన చోటు చేసుకుంది. విజిట్ వీసాపై (Visit Visa) ఆ దేశంలో ఉన్న 4ఏళ్ల భారతీయ బాలిక (Indian Girl) అనుమానాస్పదంగా మృతిచెందింది. ఐరా ఫాతిమా (04) అనే బాలిక తన తండ్రి ఫరీస్‌తో కలిసి సౌదీలోని కున్ఫుదా అనే ప్రాంతంలో ఉంటుంది. అయితే, ఐరా తాజాగా ఉన్నట్టుండి అనారోగ్యానికి గురైంది. దాంతో జెడ్డా నేషనల్ హాస్పిటల్‌కు (Jeddah National Hospital) తరలించారు. అక్కడ చికిత్స పొందుతూ చనిపోయింది. కాగా, బాలికపై విషప్రయోగం జరిగి ఉంటుందని వైద్యులు అనుమానం వ్యక్తం చేస్తున్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది. పోలీసులు అనుమానాస్పద మృతి కింద కేసు నమోదు చేసి దర్యాప్తు చేస్తున్నారు. ఇదిలాఉంటే.. ఐరా తల్లిదండ్రులది కేరళ రాష్ట్రంలోని కుందమంగళం టౌన్. ఈ ఘటనతో బాలిక స్వస్థలంలో విషాదం అలుముకుంది.