Viral Video: జాతి వైరం ఉన్నవారికి కనువిప్పు కలిగిస్తున్న కోతి.. ఏం చేసిందో మీరే చూడండి..
ABN , First Publish Date - 2022-12-24T18:02:51+05:30 IST
కులం, మతం, జాతి పేరుతో మనుషులు నిత్యం ఒకరిపై ఒకరు దాడులు చేసుకోవడం, చివరకు హత్యలకూ తెగబడడం చూస్తున్నాం. తెలివితేటలు కలిగిన మనుషులు ఇలా చేస్తుంటే.. జంతువులై ఉండి కూడా..
కులం, మతం, జాతి పేరుతో మనుషులు నిత్యం ఒకరిపై ఒకరు దాడులు చేసుకోవడం, చివరకు హత్యలకూ తెగబడడం చూస్తున్నాం. తెలివితేటలు కలిగిన మనుషులు ఇలా చేస్తుంటే.. జంతువులై ఉండి కూడా జాతి వైరం మరచి స్నేహం చేస్తూ.. అప్పుడప్పుడూ అందరికీ గుణపాఠం చెబుతుంటాయి. ఇందుకు సంబంధించిన వీడియోలు సోషల్ మీడియాలో తరచూ వైరల్ అవుతుంటాయి. ప్రస్తుతం అలాంటి వీడియో ఒకటి సోషల్ మీడియలో (Social media viral videos) వైరల్ అవుతోంది. ఓ కోతి జాతి వైరం మరచి.. జింకలను చేసిన సాయం చూసి.. నెటిజన్లు ఫిదా అవుతున్నారు. ప్రస్తుతం ఈ వీడియో నెట్టింట తెగ వైరల్ అవుతోంది.
మూడేళ్ల క్రితం ప్రేమ వివాహం.. మూడు నెలలుగా పుట్టింట్లో ఉన్న భార్య.. సడన్‌గా అక్కడికి వెళ్లిన భర్త..
సోషల్ మీడియాలో కోతి, జింకలకు (monkey and deer Videos) సంబంధించిన వీడియో ఒకటి తెగ చక్కర్లు కొడుతోంది. ఓ పార్కులో రెండు జింకలు మేత కోసం వెతుకుతూ ఉంటాయి. అయితే అక్కడ మేత ఎక్కువగా ఉండదు. వీటి సమస్యను.. చెట్టుపై ఉన్న కోతి గమనిస్తూ ఉంటుంది. జింకలు చెట్టు వద్దకు రాగానే కొమ్మపై ఉన్న కోతి.. దాన్ని కిందకు వంగేలా చేస్తుంది. దీంతో జింకలు కొమ్మకు ఉన్న ఆకులను తింటూ ఉంటాయి. అలా చాలా సేపు అవి మేత మేసేందుకు కోతి సహకరిస్తుంది. జింకలు కూడా కోతి చేసిన సాయానికి కృతజ్ఞతలు చెబుతున్నట్లుగా ప్రవర్తిస్తాయి. ఈ వీడియో చూసిన నెటిజన్లు కామెంట్ల వర్షం కురిపిస్తున్నారు. మనుషుల్లో లేని మానవత్వం.. జంతువుల్లో కనిపిస్తోంది.. అంటూ కామెంట్లు పెడుతున్నారు.
