VH: గుజరాత్ మోడల్ అంటే ఇదేనా?

హైదరాబాద్: మాజీ ప్రధాని ఇందిరాగాంధీ (Indira gandhi)బడుగు బలహీన వర్గాలు కోసం ఎంతో కృషి చేశారని మాజీ పీసీసీ అధ్యక్షులు వి.హనుమంతరావు అన్నారు. సోమవారం మీడియాతో మాట్లాడుతూ... బీసీ ప్రధాన మంత్రిగా ఉన్న మోదీ (Narendra modi) బీసీలకు ఏమీ చేయలేదని విమర్శించారు. క్రిమిలేయర్ పెట్టి బీసీల నోట్లో మట్టి కొట్టారని మండిపడ్డారు. ప్రభుత్వ సంస్థలను అమ్మేసి రిజర్వేషన్లు లేకుండా చేస్తున్నారన్నారు. జనాభా ప్రాతిపదికన రిజర్వేషన్లు ఇవ్వాలంటే బీసీలకు 50 శాతం ఇవ్వాలని డిమాండ్ చేశారు. ఈ రోజు గుజరాత్ లో బ్రిడ్జి కూలి 100 మంది చనిపోయారని.. అయినా కూడా పీఎం స్పందించలేదని.. గుజరాత్ మోడల్ అంటే ఇదేనా అని ప్రశ్నించారు. హైదరాబాద్‌ (Hyderabad)లో రేపు జరగబోయే రాహుల్ గాంధీ జోడో యాత్ర (Rahul Gandhi jodo yatra)ను విజయవంతం చేయాలని వి.హనుమంతరావు (Former pcc president) పిలుపునిచ్చారు.