Minister Sabitha: ఏప్రిల్‌ 3 నుంచి టెన్త్‌ పరీక్షలు..6 పేపర్లకు కుదింపు
ABN , First Publish Date - 2022-12-28T20:17:42+05:30 IST
టెన్త్‌ వార్షిక పరీక్షలను ఆరు పేపర్లకు కుదించారు. ఈ మేరకు తెలంగాణ ప్రభుత్వం జీవో విడుదల చేసింది.
టెన్త్‌ వార్షిక పరీక్షలు ఆరు పేపర్లకు కుదింపు
ఫిబ్రవరి, మార్చి నెలల్లో ప్రీ ఫైనల్‌ పరీక్షలు
తెలంగాణ రాష్ట్రంలో ఏప్రిల్‌ 3 నుంచి టెన్త్‌ పరీక్షలు
హైదరాబాద్: టెన్త్‌ వార్షిక పరీక్షలను ఆరు పేపర్లకు కుదించారు. ఈ మేరకు తెలంగాణ ప్రభుత్వం జీవో విడుదల చేసింది. గతంలో టెన్త్‌ పరీక్షల్లో 11 పేపర్లతో 10వ తరగతి పరీక్షలు నిర్వహించేవారు. తెలంగాణ రాష్ట్రంలో ఏప్రిల్‌ 3 నుంచి టెన్త్‌ పరీక్షలు (Tenth exams) జరగనున్నాయి. ఫిబ్రవరి, మార్చి నెలల్లో ప్రీ ఫైనల్‌ పరీక్షలు జరుగుతాయని మంత్రి సబిత తెలిపారు. టెన్త్‌లో ఒక్కో పరీక్షకు 3 గంటల సమయం ఉంటుందని, పరీక్షల్లో వ్యాసరూప ప్రశ్నలకు మాత్రమే ఇంటర్నల్ ఛాయిస్ ఉంటుందని మంత్రి సబిత చెప్పారు. సూక్ష్మరూప ప్రశ్నలకు ఛాయిస్ ఉండదని మంత్రి సబితా ఇంద్రారెడ్డి (Minister Sabitha Indra Reddy) స్పష్టం చేశారు.
