Kavita: రాష్ట్రాల నుంచి బీఆర్‌ఎస్‌కు అద్భుతమైన స్పందన

నిజామాబాద్: బీఆర్‌ఎస్‌కు ప్రతీ రాష్ట్రం నుంచి అద్భుతమైన స్పందన వస్తోందని ఎమ్మెల్సీ కవిత (BRS MLC Kavita) అన్నారు. గురువారం నగరంలోని రాజీవ్ గాంధీ ఆడిటోరియంలో కళ్యాణ లక్ష్మీ, షాదీ ముబారక్ చెక్కులను ఎమ్మెల్సీ పంపిణీ చేశారు. అనంతరం కవిత మాట్లాడుతూ... ప్రజలకు పనికొచ్చే కార్యక్రమలే కేసీఆర్ చేపడుతున్నారన్నారు. మిగతా రాష్ట్రాల్లో ఎక్కడైనా ఇలాంటి కార్యక్రమాలు అమలవుతున్నాయా అని ప్రశ్నించారు. తెలంగాణ ప్రజల ఆశీస్సులు, ఆశీర్వాదంతోనే బీఆర్ఎస్ ఏర్పాటు చేసినట్లు చెప్పారు. దేశంలో మరిన్ని విప్లవాత్మక మార్పులు తెస్తామన్నారు. నగరంలో పాత భవనాల కూల్చివేతలపై బీజేపీ అనవసర ఆందోళనలు చేస్తోందని అన్నారు. నిజామాబాద్‌ను అద్భుతంగా తీర్చి దిద్దేందుకు కృషి చేస్తున్నామని తెలిపారు. కాంగ్రెస్ పాలనలో అసంతృప్తిగా వదిలేసిన అండర్ గ్రౌండ్ డ్రైనేజీ పనులు తాము పూర్తి చేసినట్లు కవిత పేర్కొన్నారు.