YS Sharmila: పథకాల పేరుతో గారడీ చేస్తున్న కేసీఆర్

హనుమకొండ: పథకాల పేరుతో ముఖ్యమంత్రి కేసీఆర్ (KCR) గారడీ చేస్తున్నారని వైఎస్సార్టీపీ అధినేత్రి వైఎస్ షర్మిల (YS Sharmila) ఆగ్రహం వ్యక్తం చేశారు. శనివారం జిల్లాలోని కమలాపూర్ మండలంలో షర్మిల పాదయాత్ర కొనసాగుతోంది. ఈ సందర్భంగా షర్మిల మాట్లాడుతూ.. ఎనిమిదేళ్లుగా కేసీఆర్(Telangana CM) పథకాల పేరు చెప్పి మోసం చేస్తున్నారని అన్నారు. ఇచ్చిన ఒక్క హామీ నెరవేర్చలేదని మండిపడ్డారు. ప్రపంచంలో వరి వేస్తే ఉరి అని చెప్పిన సన్నాసి ముఖ్యమంత్రి కేసీఆర్ అని విరుచుకుపడ్డారు. కేసీఆర్‌కు ఎన్నికలతోనే పని అని.. ఓట్లు వేస్తేనే బయటకు వస్తారన్నారు. బంగారు తెలంగాణ అంటూ అప్పుల తెలంగాణగా మార్చారని విమర్శించారు. కేసీఆర్‌ను మళ్ళీ నమ్మితే రాష్ట్రాన్ని కుక్కలు చింపిన విస్తరి చేస్తారని షర్మిల (YSRTP Chief)వ్యాఖ్యలు చేశారు.