ఘనంగా యువ ఐఏఎస్‌ల వివాహం
ABN , First Publish Date - 2023-02-17T00:57:33+05:30 IST
జిల్లా కలెక్టర్‌ నాగలక్ష్మి సెల్వరాజన్ వివాహం తిరుచానూరులో గురువారం జరిగింది.
అనంతపురం టౌన్, ఫిబ్రవరి 16: జిల్లా కలెక్టర్‌ నాగలక్ష్మి (Collector Nagalakshmi)సెల్వరాజన్ వివాహం తిరుచానూరులో గురువారం జరిగింది. శ్రీకాకుళం జాయింట్‌ కలెక్టర్‌గా పనిచేస్తున్న నవీనకుమార్‌ (Joint Collector Naveen Kumar) ఐఏఎస్‌తో ఆమె వివాహం జరిగింది. వివిధ శాఖల అధికారులు, బంధు మిత్రుల సమక్షంలో కలెక్టర్‌ నాగలక్ష్మి వివాహం అట్టహాసంగా జరిగింది. ఇద్దరు ఐఎఎస్‌లు వివాహం కావడంతో రెండు జిల్లాల నుంచీ వచ్చిన అధికార, అనధికార ప్రముఖులు, వారి బంధుమిత్రులతో కల్యాణ వేదిక కళకళలాడింది.
అనంతపురం (Anantapur) జిల్లా ఎస్పీ డాక్టర్‌ ఫక్కీరప్ప, శ్రీ సత్యసాయి జిల్లా (Sathya Sai District) కలెక్టర్‌ బసంత్‌కుమార్‌ వధూవరులకు శుభాకాంక్షలు తెలియజేశారు. ఆర్డీఓలు మధుసూదన్, నిశాంత్‌రెడ్డి, పలువురు తహసీల్దార్‌లు వేడుకలో పాల్గొన్నారు. బుధవారం రాత్రి రిసెప్షన్‌ కూడా ఘనంగా నిర్వహించారు. నాగలక్ష్మి 2012 బ్యాచ్‌కు చెందిన ఐఏఎస్ అధికారి (IAS officer) కాగా, నవీన్‌కుమార్‌ 2019 బ్యాచ్‌ చెందిన ఐఏఎస్ అధికారి. నవీన్‌కుమార్‌ ప్రస్తుతం శ్రీకాకుళం జాయింట్‌ కలెక్టర్‌గా పనిచేస్తున్నారు. గతంలో ఈయన పెనుకొండ సబ్‌కలెక్టర్‌గా పనిచేశారు.
