Anantapur Dist.: పెద్దిరెడ్డి పర్యటన.. పోలీసుల అదుపులో వికలాంగులు..

అనంతపురం జిల్లా: మంత్రి పెద్దిరెడ్డి రామచంద్రారెడ్డి (Minister Peddireddy Ramachandra Reddy) కళ్యాణదుర్గం పర్యటన నేపథ్యంలో కుందుర్పి పోలీసులు వికలాంగులను (Disabled People) అదుపులోకి తీసుకున్నారు. కుందుర్పి మండల కేంద్రం కృష్ణగుట్టలో వికలాంగుల భవనం కోసం 10 సెంట్ల భూమిని ప్రభుత్వం కేటాయించింది. అయితే ఆ భూమిని మంత్రి ఉషశ్రీ చరణ్ (Minister Ushasree Charan) అనుచరుడు గోపాల్ దౌర్జన్యంగా ఆక్రమించాడు. దీంతో వికలాంగులు పలుమార్లు మంత్రి ఉష శ్రీ చరణ్ దృష్టికి తీసుకెళ్లారు. ఆమె పట్టించుకోకుండా అనుచరుడు గోపాల్‌కు వత్తాసు పలుకుతుండడంతో... వికలాంగులు పెద్దిరెడ్డి రామచంద్రారెడ్డి దృష్టికి తీసుకెళ్లే ప్రయత్నం చేశారు. ఈ క్రమంలో ముందస్తుగా కుందుర్పి పోలీసులు వికలాంగులను అదుపులోకి తీసుకున్నారు. పూర్తి సమాచారం అందవలసి ఉంది.