Purandheswari: ఈనెల 13న విజయవాడకు ఏపీ బీజేపీ చీఫ్ పురంధేశ్వరి

అమరావతి: బీజేపీ ఏపీ నూతన అధ్యక్షురాలు దగ్గుబాటి పురంధేశ్వరి ఈనెల 13న విజయవాడకు రానున్నారు. బీజేపీ రాష్ట్ర అధ్యక్షురాలి హోదాలో పార్టీ కార్యాలయానికి ఈనెల 13వ పురంధరేశ్వరి వస్తున్నారని ఆ పార్టీ రాష్ట్ర ప్రధాన కార్యదర్శి వేటుకూరి సూర్యనారాయణ రాజు తెలిపారు. భారీ స్వాగత ఏర్పాట్లు చేయాలని ప్లాన్ చేశామన్నారు. గన్నవరం ఎయిర్ పోర్టు నుంచి విజయవాడ బీజేపీ రాష్ట్ర కార్యాలయం వరకు భారీ ర్యాలీ ఉంటుందని.. రహదారి పొడవునా బీజేపీ పతాకాలు, ఫ్లెక్సీలతో అలంకరణ చేయనున్నామని తెలిపారు. బీజేపీ శ్రేణులు, బీజేపీ అనుబంధ సంఘాలు గన్నవరం ఎయిర్ పోర్టుకు చేరుకుని పురంధేశ్వరికి స్వాగతం పలుకుతారని చెప్పారు. అదేరోజు బీజేపీ రాష్ట్ర అధ్యక్షురాలిగా పురంధరేశ్వరి బాధ్యతలను స్వీకరిస్తారన్నారు. వెన్యూ ఫంక్షన్ హాలులో నిర్వహించే బీజేపీ కార్యకర్తలు సమావేశంలో దగ్గుబాటి పురంధేశ్వరి పాల్గొని ప్రసంగిస్తారని వేటుకూరి సూర్యనారాయణ రాజు వెల్లడించారు.