RBI-AP: మరో రూ. 2 వేల కోట్ల అప్పుకు ఏపీ ఇండెంట్.. 90 రోజుల్లోనే వేల కోట్ల అప్పుతో రికార్డు

అమరావతి: ఆంధ్రప్రదేశ్ ప్రభుత్వం (AP Govt) మరో రూ. 2 వేల కోట్ల అప్పుకు ఇండెంట్ పెట్టింది. వెయ్యి కోట్లు 18 సంవత్సరాలకు, మరో వెయ్యి కోట్లు 19 సంవత్సరాలకు సెక్యూరిటీ బాండ్ల వేలానికి రిజర్వ్ బ్యాంక్‌కు (RBI) ఏపీ ప్రభుత్వం సమాచారం ఇచ్చింది. ఈ రెండు వేల కోట్లతో నేటికి ఈ ఏడాది ఎఫ్‌ఆర్‌బీఎంలో ఏపీ సర్కారు రూ. 27 వేల 500 కోట్లు తెచ్చింది.

ప్రస్తుత ఆర్థిక సంవత్సరం ఎఫ్‌ఆర్‌బీఎంలో ఇక మిగిలింది రూ. 3 వేల కోట్లే. ఇప్పటికే విద్యుత్ సంస్కరణలు వేగంగా అమలు చేస్తున్నందుకు ఏపీ సర్కారుకు మరో 9 వేల కోట్లు రుణం తీసుకునేందుకు కేంద్రం అనుమతి ఇచ్చింది. కేవలం 90 రోజుల వ్యవధిలో రూ. 27 వేల 500 కోట్ల అప్పు చేసి ఏపీ రికార్డ్ సృష్టించింది.