Achchennaidu: కొమ్మాలపాటి శ్రీధర్ అరెస్ట్‌ దుర్మార్గం: అచ్చెన్న

అమరావతి: టీడీపీ నేత కొమ్మాలపాటి శ్రీధర్ (Kommalapati Sridhar) అరెస్ట్‌ దుర్మార్గమని ఆ పార్టీ నేత అచ్చెన్నాయుడు (Achchennaidu) అన్నారు. వైసీపీ ఎమ్మెల్యేల అక్రమాలు వెలికితీస్తే అరెస్ట్‌ చేయిస్తారా?.. వైసీపీ నేతలు (YCP leaders) రాష్ట్రాన్ని దోచుకుంటుంటే చూస్తు ఊరుకోవాలా? అని ప్రశ్నించారు. పెదకూరపాడు ఎమ్మెల్యే శంకర్రావు (MLA Shankar Rao) ఇసుక దోపిడీకి పాల్పడుతున్నారని ఆరోపించారు. ఇసుక దొంగలను వదిలేసి టీడీపీ నేతలను అరెస్ట్‌ చేయడమేంటి అని నిలదీశారు. ఇసుక మాఫియాను పోలీసులే ప్రోత్సహిస్తున్నారా? అని అచ్చెన్నాయుడు ప్రశ్నించారు.

ఇసుక అక్రమ తవ్వకాలపై పెదకూరపాడు ఎమ్మెల్యే నంబూరి శంకరరావు, మాజీ ఎమ్మెల్యే కొమ్మాలపాటి శ్రీధర్ చేసుకున్న సవాళ్లు తీవ్ర ఉద్రిక్తతలకు దారితీశాయి. ముందుగా టీడీపీ నేత కొమ్మాలపాటి శ్రీధర్ పెద్ద ఎత్తున కార్యకర్తలతో కలిసి అమరలింగేశ్వరస్వామి ఆలయానికి చేరుకున్నారు. దీంతో పోలీసులు శ్రీధర్‌ను అడ్డుకుని బలవంతంగా అదుపులోకి తీసుకున్నారు. టీడీపీ కార్యకర్తలపై లాఠీచార్జ్‌ చేసి పలువురిని అరెస్ట్‌ చేశారు. ఈ సందర్భంగా పోలీసుల తీరుపై కొమ్మాలపాటి మండిపడ్డారు. ఇసుక అక్రమ తవ్వకాలపై వైసీపీ, టీడీపీ నేతల మధ్య సవాళ్లపై ఉత్కంఠ కొనసాగుతోంది.