Atchannaidu: జగన్‌ పతనం మొదలైంది

టెక్కలి: టీడీపీ అధినేత చంద్రబాబు (Chandrababu) సభలకు వస్తున్న జనాన్ని చూసి సీఎం జగన్‌ (CM Jagan) ప్రస్టేషన్‌కు గురవుతున్నారని టీడీపీ నేత అచ్చెన్నాయుడు (Atchannaidu) ఎద్దేవాచేశారు. జగన్‌ పతనం ఖాయమైందని హెచ్చరించారు. వచ్చే ఎన్నికల్లో ప్రజలు వైసీపీ (YCP)ని చీపుర్లతో తరిమికొడతారన్నారు. గడిచిన మూడున్నరేళ్లలో విశాఖలోని ప్రైవేట్‌, ప్రభుత్వ ఆస్తుల్ని చెప్పుచేతల్లో జగన్‌ పెట్టుకుంటున్నారని దుయ్యబట్టారు. ఇందులో భాగంగానే గీతం విద్యా సంస్థలపై ఆరోపణలు చేస్తూ ఆస్తి ధ్వంసాలకు పాల్పడుతున్నారని తెలిపారు. రాజధాని పేరుతో ప్రశాంతంగా ఉన్న విశాఖ (Visakha) ను ఫ్యాక్షన్‌ కేంద్రంగా మార్చారని ధ్వజమెత్తారు. భూ కబ్జాలు, ఆక్రమణలు, సెటిల్‌మెంట్లకు కేంద్రంగా విశాఖ నగరాన్ని తయారుచేశారని మండిపడ్డారు. జీవోనెం.1 పేరుతో ప్రజాస్వామ్యానికి తూట్లు పొడుస్తున్న జగన్‌ పాలనపై ప్రజల్లో తిరుగుబాటు మొదలైందని అచ్చెన్నాయుడు హెచ్చరించారు.