Atchennaidu : నాతో సహా నేతలెవరూ పూర్తి స్థాయిలో పని చేయడం లేదు

అమరావతి : టీడీపీ అధికారంలోకి రావాలని ప్రజలు కోరుకుంటున్నారని.. కానీ తనతో సహా నేతలు ఎవరూ కూడా పూర్తి స్థాయిలో పని చేయడం లేదనే ఫీలింగ్ ఉందని టీడీపీ ఏపీ అధ్యక్షుడు అచ్చెన్నాయుడు పేర్కొన్నారు. వచ్చే రోజుల్లో ప్రజల్లో ఉండేలా కార్యాచరణను రూపొందించుకోవాలన్నారు. ఐదు జోన్లల్లో భవిష్యత్ గ్యారెంటీ అంశాలపై బస్సు యాత్ర ద్వారా ప్రజల్లోకి వెళ్తున్నామన్నారు. సీఎం జగన్ అప్పులు తెచ్చి అరకొర సంక్షేమం చేశారన్నారు. టీడీపీ అధినేత చంద్రబాబు సంపద సృష్టించి పూర్తి సంక్షేమం చేస్తారన్నారు. దసరాకి విడుదల చేసే మేనిఫెస్టోలో ఉద్యోగులకు సంబంధించిన అంశాలుంటాయన్నారు. పార్టీ కార్యక్రమాలను.. ప్రచార కార్యక్రమాలను నేతలు సీరియస్‌గా తీసుకోవాలన్నారు. చంద్రబాబుతో చెప్పించుకునే పరిస్థితి తెచ్చుకోవద్దని అచ్చెన్నాయుడు హితవు పలికారు.