AP News: ఒంటరి మదపుటేనుగు దాడిలో మరో మహిళ మృతి

చిత్తూరు: జిల్లాలో ఒంటరి మదపుటేనుగు దాడిలో మరో మహిళ మృతి చెందింది. ఆంధ్ర, తమిళనాడు సరిహద్దు బోడి నత్తం గ్రామానికి చెందిన వసంత (57) అనే మహిళ ఏనుగు దాడిలో మృతి చెందింది. నిన్నటి (బుధవారం) రోజున గుడిపాల మండలం 190 రామాపురం గ్రామంలో దంపతులు వెంకటేష్, సెల్వి ఇద్దరిపై మదపుటేనుగు దాడి చేసి చంపేసింది. అదే మదపుటేనుగు ఇవాళ (గురువారం) తెల్లవారుజామున వసంత అనే మహిళపై దాడి చేసి చంపేసింది. శ్రీరంగంపల్లి చెరువు నుంచి కుంకి ఏనుగుల ద్వారా అటవీ ప్రాంతంలోకి అధికారులు మళ్ళీ ఇస్తున్న క్రమంలో ఈ సంఘటన చోటు చేసుకుంది. మదపుటేనుగు వరుస దాడులు మృతులతో ప్రజలు తీవ్ర భయాభ్రాంతులకు గురవుతున్నారు. ఏనుగు ఆపరేషన్ కార్యక్రమంలో ముగ్గురు ట్రాక్టర్లకు గాయాలయ్యాయి. ట్రాకర్లపై కూడా ఏనుగు దాడికి దిగింది. ఏనుగు దాడులపై అటవీ శాఖ అధికారులను ఆందోళనలకు గురిచేస్తోంది.