Tirumala : తిరుమలలో భక్తుల రద్దీ ఎలా ఉందంటే..

Tirumala : తిరుమలలో భక్తుల రద్దీ సాధారణంగా ఉంది. నేడు (గురువారం) శ్రీవారి సర్వదర్శనం కోసం భక్తులు 5 కంపార్ట్‌మెంట్లలో వేచి ఉన్నారు. నేడు శ్రీవారి టోకెన్ లేని భక్తుల సర్వదర్శనానికి 6 గంటల సమయం పడుతోంది. బుధవారం స్వామివారిని 65,891 మంది భక్తులు దర్శించుకుని మొక్కులు చెల్లించుకున్నారు. నిన్న శ్రీవారి హుండీ ఆదాయం రూ.4.04 కోట్లు వచ్చినట్టు తిరుమల తిరుపతి దేవస్థానం వెల్లడించింది. శ్రీవారికి 22,896 మంది భక్తులు స్వామివారికి తలనీలాలు సమర్పించి మొక్కులు చెల్లించుకున్నారు.

తిరుమల శ్రీవారి దర్శనం కోసం ఈ నెల 26న ఏపీకి ప్రధాని నరేంద్ర మోదీ రానున్నారు. ఈ నెల 26న మోదీ తిరుపతి చేరుకోనున్నారు. రోడ్డుమార్గంలో తిరుమల శ్రీరచన అతిథిగృహానికి చేరుకోనున్నారు. ఈ నెల 27న ఉదయం 8 గంటలకు స్వామివారిని దర్శించుకోనున్నారు. ఈ నెల 27న ఉదయం10.25 గంటలకు తిరుపతి నుంచి హకీంపేటకు ప్రధాని మోదీ పయనం కానున్నారు.