Tirupathi : తిరుపతి జిల్లా ప్రజానీకానికి పోలీసుల హెచ్చరిక..
ABN , First Publish Date - 2023-11-14T07:44:09+05:30 IST
తిరుపతి జిల్లాలో చెడ్డీ గ్యాంగ్ పోలీసులకు కంటిమీద కునుకు లేకుండా చేస్తోంది. నాలుగు రోజుల వ్యవధిలో మూడు చోరీలకు విఫల యత్నాలు చేసింది. రేణిగుంట రోడ్డులో కృష్ణతేజ కాలేజి, భార్గవ్ ఆటోమోబైల్ షోరూం, చెర్లోపల్లి వద్ద ఒక డాక్టర్ నివాసంలో చోరీకి యత్నించింది. దీనికి సంబంధించిన దృశ్యాలు సీసీ కెమెరాలో రికార్డ్ అయ్యాయి. నడుముకు రాళ్లు, ఆయుధాలు ధరించిన ముగ్గురు సభ్యుల బృందం జిల్లాలో హల్ చల్ చేస్తోంది.
తిరుపతి : తిరుపతి జిల్లాలో చెడ్డీ గ్యాంగ్ పోలీసులకు కంటిమీద కునుకు లేకుండా చేస్తోంది. నాలుగు రోజుల వ్యవధిలో మూడు చోరీలకు విఫల యత్నాలు చేసింది. రేణిగుంట రోడ్డులో కృష్ణతేజ కాలేజి, భార్గవ్ ఆటోమోబైల్ షోరూం, చెర్లోపల్లి వద్ద ఒక డాక్టర్ నివాసంలో చోరీకి యత్నించింది. దీనికి సంబంధించిన దృశ్యాలు సీసీ కెమెరాలో రికార్డ్ అయ్యాయి. నడుముకు రాళ్లు, ఆయుధాలు ధరించిన ముగ్గురు సభ్యుల బృందం జిల్లాలో హల్ చల్ చేస్తోంది.
గతంలో విజయవాడలో చోరీలకు పాల్పడిన మూఠాగా పోలీసులు అనుమానం వ్యక్తం చేస్తున్నారు. వారి పోటోలు, వీడియో విడుదల చేశారు. ప్రజలు అప్రమత్తంగా ఉండాలని పోలీసులు హెచ్చరిస్తున్నారు. ప్రత్యేక బృందాలతో పోలీసులు గాలింపు చర్యలు చేపట్టారు. తిరుపతి నగర శివార్లలో పోలీసు పెట్రోలింగ్‌ను పెంచారు. సరిహద్దు జిల్లాల పోలీసు యంత్రాంగాన్ని సైతం తిరుపతి పోలీసులు అప్రమత్తం చేశారు.
