CM JAGAN: రేపు, ఎల్లుండి అన్నమయ్య, వైఎస్సార్‌ జిల్లాల్లో సీఎం జగన్ పర్యటన
ABN , First Publish Date - 2023-11-08T22:07:15+05:30 IST
రేపు, ఎల్లుండి అన్నమయ్య, వైఎస్సార్‌ జిల్లాల్లో ఏపీ సీఎం వైఎస్‌ జగన్ మోహన్ రెడ్డి పర్యటించనున్నారు.
అమరావతి: రేపు, ఎల్లుండి అన్నమయ్య, వైఎస్సార్‌ జిల్లాల్లో ఏపీ సీఎం వైఎస్‌ జగన్ మోహన్ రెడ్డి పర్యటించనున్నారు.
09.11.2023 షెడ్యూల్‌
రేపు (గురువారం) ఉదయం 10 గంటలకు తాడేపల్లి నివాసం నుంచి సీఎం జగన్ బయలుదేరి రాయచోటిలో శాసనమండలి డిప్యూటీ ఛైర్మన్‌ జకియా ఖానం కుమారుడి వివాహ వేడుకలో పాల్గొననున్నారు. ఆ తర్వాత మాజీ ఎంపీపీ కుటుంబ సభ్యల వివాహ వేడుకలో సీఎం పాల్గొంటారు. అక్కడి నుంచి బయలుదేరి పులివెందుల చేరుకుని శ్రీకృష్ణుడి ఆలయ ప్రారంభోత్సవంలో పాల్గొననున్నారు.
ఆ తర్వాత పులివెందుల శిల్పారామాన్ని జగన్ ప్రారంభిస్తారు. అనంతరం శ్రీ స్వామి నారాయణ్‌ గురుకుల్‌ స్కూల్‌కు శంకుస్ధాపన కార్యక్రమం, ఆ తర్వాత ఏపీ కార్ల ప్రాంగణంలో అగ్రికల్చర్, హార్టికల్చర్‌ కళాశాలలు, స్టేట్‌ ఆఫ్‌ ఆర్ట్‌ సెంట్రల్‌ టెస్టింగ్‌ లేబరేటరీ, అగ్రికల్చర్, హార్టికల్చర్‌ ల్యాబ్‌లు ప్రారంభోత్సవం, ఆదిత్య బిర్లా యూనిట్‌ విజిట్, ఆ తర్వాత సీవీ సుబ్బారెడ్డి నివాసానికి వెళతారు. అక్కడి నుంచి బయలుదేరి ఇడుపులపాయ చేరుకుని వైఎస్సార్‌ ఎస్టేట్‌ గెస్ట్‌హౌస్‌లో రాత్రికి బస చేస్తారు.
10.11.2023 షెడ్యూల్‌
శుక్రవారం ఉదయం 8.30 గంటలకు ఇడుపులపాయలో ఆర్‌ కే వ్యాలీ పోలీస్‌ స్టేషన్‌ను సీఎం జగన్ ప్రారంభించనున్నారు. ఆ తర్వాత ఎకో పార్క్‌ వద్ద వేముల మండలం ప్రజాప్రతినిధులతో సమావేశమవుతారు. అనంతరం అక్కడి నుంచి బయలుదేరి మధ్యాహ్ననికి తాడేపల్లి నివాసానికి సీఎం జగన్ చేరుకుంటారు.
