Kakinada: భవిష్యత్తుకు గ్యారంటీ టీడీపీ బస్సు యాత్ర

కాకినాడ: తెలుగుదేశం పార్టీ చేపట్టిన ‘భవిష్యత్తుకు గ్యారంటీ’ టీడీపీ బస్సు యాత్ర ఆదివారం జోన్-2లోని కాకినాడ పార్లమెంట్‍లోని జగ్గంపేట నియోజకవర్గం జగ్గంపేట మోడల్ డిగ్రీ కాలేజీ నుంచి బస్సు యాత్ర ప్రారంభంకానుంది. జోన్-3 గుంటూరు పార్లమెంట్‍లోని ప్రత్తిపాడు నియోజకవర్గంలో గోరంట్ల (అమరావతి హైవే) నుంచి బస్సు యాత్ర ప్రారంభమవుతుంది. జోన్-4 చిత్తూరు పార్లమెంట్‍లోని నగరి నియోజకవర్గం నగరిలోని ఓం శక్తి టెంపుల్ నుంచి బస్సు యాత్ర ప్రారంభమవుతుంది. జోన్-5 అనంతపురం పార్లమెంట్‍లోని శింగనమల నియోజకవర్గంలోని బుక్కరాయసముద్రం నుంచి బస్సుయాత్ర ప్రారంభమవుతుంది.

కాగా ‘మహానాడు’లో అధినేత నారా చంద్రబాబు నాయుడు ప్రకటించిన తొలి మేనిఫెస్టోను ప్రజల్లోకి తీసుకువెళ్లేందుకు టీడీపీ నేతలు ‘భవిష్యత్తుకు గ్యారంటీ’ పేరుతో గతవారం బస్సు యాత్ర ప్రారంభించిన విషయం తెలిసిందే. బస్సు యాత్రకు ప్రజల నుంచి అపూర్వ స్పందన వస్తోంది. అప్పుల్లో కూరుకుపోయిన రాష్ట్రాన్ని కాపాడడం ఒక్క చంద్రబాబు వల్లే సాధ్యమవుతుందంటున్నారు.