Kotla Sujathamma : జయరాంకి లోకేష్ బాబు కాదు.. నేను సవాల్ చేస్తున్నా..

కర్నూలు : టీడీపీ జాతీయ ప్రధాన కార్యదర్శి నారా లోకేష్ విసిరిన సవాల్‌కి మంత్రి జయరామ్ వింత సమాధానం చెబుతున్నారని ఆలూరు టీడీపి ఇన్‌చార్జ్, మాజీ ఎమ్మెల్యే కోట్ల సుజాతమ్మ పేర్కొన్నారు. దమ్ము ధైర్యం ఉంటే లోకేష్ బాబు సవాల్‌ని మంత్రి స్వీకరించాలన్నారు. జయరామ్‌కు టీడీపీ జడ్పీటీసీ భిక్ష పెట్టిందని గుర్తు చేశారు. కానీ ఆయన వేరే పార్టీలోకి వెళ్లి పీకేందేంటని ప్రశ్నించారు. ఇంకా కోట్ల సుజాతమ్మ మాట్లాడుతూ.. ‘‘జయరాంకి లోకేష్ బాబు కాదు.. నేను సవాల్ చేస్తున్నా. ఐటీ ఇచ్చిన నోటీసులకు జయరామ్ సమాధానం చెప్పాలి. మంత్రి జయరాం కర్ణాటక మద్యం,పేకాట స్థావరాలు, ఇసుక లూటీ ,బియ్యం మాఫియా ప్రజాలకంతా తెలుసు. బాధిత రైతులకు మేము అండగా ఉంటాం. మేము అధికారంలోకి రాగానే.. రైతులకు కోల్పోయిన భూముల విషయంలో న్యాయం చేస్తాం’’ అని తెలిపారు.