Swamydas: బాబును ఒక్కరోజైనా జైళ్లో పెట్టి రాక్షసానందం పొందాలని సైకో జగన్ ఉద్దేశం
ABN , First Publish Date - 2023-09-09T09:51:59+05:30 IST
తిరువూరులో టీడీపీ మాజీ ఎమ్మెల్యే నల్లగట్ల స్వామిదాస్, సుధారాణి దంపతులను పోలీసులు గృహ నిర్బంధం చేశారు. స్వామిదాసును బయటకు వెళ్లకుండా అడ్డుకున్నారు. విషయం తెలిసిన వెంటనే టీడీపీ శ్రేణులు పెద్ద ఎత్తున స్వామిదాసు ఇంటికి చేరుకుంటున్నారు.
ఎన్టీఆర్ జిల్లా: తిరువూరులో టీడీపీ మాజీ ఎమ్మెల్యే నల్లగట్ల స్వామిదాస్ (Former MLA Nallagatla Swamy das), సుధారాణి దంపతులను పోలీసులు గృహ నిర్బంధం చేశారు. స్వామిదాసును బయటకు వెళ్లకుండా అడ్డుకున్నారు. విషయం తెలిసిన వెంటనే టీడీపీ శ్రేణులు పెద్ద ఎత్తున స్వామిదాసు ఇంటికి చేరుకుంటున్నారు. ఈ సందర్భంగా స్వామిదాస్ మాట్లాడుతూ... జగన్ లండన్‌లో ఉండి చంద్రబాబును అరెస్ట్ చేసి ఒక్కరోజైనా జైల్లో పెట్టి రాక్షసానందం పొందాలని జగన్ సైకో ముఖ్యమంత్రి జగన్ ఉద్దేశానికి పరాకాష్ట అంటూ నల్లగట్ల స్వామిదాస్ ఆగ్రహం వ్యక్తం చేశారు. జీ 20 సమావేశాలు ఢిల్లీలో జరుగుతున్న నేపథ్యంలో ప్రపంచం దేశాలు పైశాచిక ముఖ్యమంత్రి జగన్ ఆనందాన్ని గుర్తిస్తారని అన్నారు. మాజీ ముఖ్యమంత్రి చంద్రబాబు నాయుడుపై నేరారోపణ రుజువుకాకుండా అప్రజాస్వామికంగా అరెస్ట్ చేయటం దుర్మార్గపు చర్య అని మండిపడ్డారు. ప్రజలలో తిరుగుతున్న చంద్రబాబు నాయుడిని అర్ధరాత్రి పోలీసులు వచ్చి అరెస్ట్ చేయడం దుర్మార్గపు చర్య అని.. ఆయన ఆరోగ్యం కూడా బాగాలేదని షుగర్, బీపీ లెవల్స్ ఎక్కువగా ఉన్నాయన్నారు. ప్రజలు గమనిస్తున్నారు ఈ సైకో ముఖ్యమంత్రికి తగిన బుద్ధి చెబుతారని మాజీ ఎమ్మెల్యే నల్లగట్ల స్వామిదాస్ హెచ్చరించారు.
