AP Highcourt: ఎంపీ రఘురామ పిటిషన్‌పై హైకోర్టులో విచారణ

అమరావతి: తనపై ఉన్న కేసుల వివరాలు ఇవ్వాలంటూ నర్సాపురం ఎంపీ రఘురామకృష్ణరాజు (Narsapuram MP Raghuramakrishnam Raju) దాఖలు చేసిన ఫిటిషన్‌పై శుక్రవారం హైకోర్టు (AP Highcourt) విచారించింది. ఎంపీపై ఉన్న ఎఫ్‌ఐఆర్‌‌లు, రిజిస్టర్ కాని ఫిర్యాదుల వివరాలు ఇవ్వాలని హోంశాఖకు హైకోర్టు ఆదేశించింది. చట్టపరంగా తనకున్న హక్కులను ఉపయోగించుకునేందుకు రఘురామకు అవకాశం ఉందని హైకోర్టు పేర్కొంది. తనపై ఉన్న కేసుల వివరాలను ఇవ్వాలని ఇప్పటికే డీజీపీకి రఘురామ లేఖ రాశారు. వివరాలు ఇవ్వకపోవడంతో హైకోర్టులో ఎంపీ పిటిషన్ దాఖలు చేశారు. పిటీషన్ తరపున న్యాయవాది ఉమేష్‌ చంద్ర వాదనలు వినిపించారు. నియోజకవర్గానికి వచ్చేందుకు అవకాశం ఇవ్వకుండా అక్రమ కేసులు బనాయిస్తున్నారని ఉమేష్‌చంద్ర వాదించింది. ప్రభుత్వం తరపున హోం శాఖ న్యాయవాది వాదనలు వినిపించారు. ఉమేష్ వాదనలతో హైకోర్టు ఏకీభవించింది. రఘురామకృష్ణపై ఉన్న ఎఫ్‌ఐఆర్‌లు, రిజిస్టర్ కాకుండా ఉన్న వివరాలు కూడా వెంటనే అందించాలని హైకోర్టు న్యాయమూర్తి జస్టిస్ మానవేంద్రనాద్ రాయ్ ఆదేశాలు జారీ చేశారు. అనంతరం తదుపరి విచారణను హైకోర్టు ఈ నెల 19కి వాయిదా వేసింది.