TDP: ‘నిజం గెలవాలి’ పేరుతో రాష్ట్రంలో నారా భువనేశ్వరి పర్యటన..

అమరావతి: రాష్ట్రంలో వరుస పార్టీ కార్యక్రమాలపై తెలుగుదేశం పార్టీ (Telugudesam Party) అధిష్టానం నిర్ణయం తీసుకుంది. ‘నిజం గెలవాలి’ పేరుతో వచ్చే వారం నుంచి నారా భువనేశ్వరి (Nara Bhuvaneswari) రాష్ట్రంలో పలు ప్రాంతాల్లో పర్యటించనున్నారు. చంద్రబాబు (Chandrababu) అరెస్టు కారణంగా ఆవేదనతో మృతి చెందిన కుటుంబాలను ఆమె పరామర్శించనున్నారు. వారానికి కనీసం రెండు మూడు చోట్ల భువనేశ్వరి పర్యటన ఉండేలా ప్రణాళిక రూపొందించారు. చంద్రబాబు అరెస్టుతో ఆగిన భవిష్యత్‌కు గ్యారెంటీ కార్యక్రమాన్ని తిరిగి ప్రారంభించాలని నిర్ణయించారు.

భవిష్యత్‌కు గ్యారెంటీ కార్యక్రమంలో భాగంగా చంద్రబాబు స్థానంలో ఆయన తనయుడు నారా లోకేష్ (Nara Lokesh) జనంలోకి వెళ్లనున్నారు. పార్టీ కార్యక్రమాలపై నిర్వహణ, సమీక్షపై నాలుగైదు రోజుల్లో పార్టీ విస్తృత స్థాయి సమావేశం జరగనుంది. బాబుతో నేను కార్యక్రమం నిర్వహిస్తూనే ప్రజల సమస్యలపై పోరాటాలు, పార్టీ కార్యక్రమాల స్పీడు పెంచాలని అధిష్టానం నిర్ణయించింది.