NTR Dist.: చందర్లపాడులో ఉద్రిక్తత..

ఎన్టీఆర్ జిల్లా: చందర్లపాడు మండలం, తుర్లపాడు గ్రామంలో రెండు కుటుంబాల మధ్య చెలరేగిన వివాదం దాడులకు దారితీసింది. పాత గొడవలు నేపథ్యంలో ఒకరిపై ఒకరు కర్రలు, గోడ్డళ్లతో దాడుదలకు దిగడంతో ఐదుగురు గాయపడ్డారు. గ్రామంలోని మేనత్త, మేనమామ కుటుంబాల మధ్య గత కొంతకాలంగా గొడవలు ఉన్నాయి. దీంతో మరోసారి ఇరు కుటుంబాల మధ్య వివాదం చెలరేగడంతో దాడులకు దిగారు. ఈ ఘటనలో ఐదుగురు గాయపడడంతో వారిని నందిగామ ఆస్పత్రికి తరలించారు. ఆదివారం తెల్లవారుజామున ఈ ఘటన చోటు చేసుకుంది.

ఈ గొడవలో ముగ్గురిపై యాసిడ్ దాడి చేయగా వారికి తీవ్ర గాయాలు అయ్యాయి. చికిత్స నిమిత్తం నందిగామ ప్రభుత్వ ఆసుపత్రికి తరలించారు. అక్కడి నుంచి మెరుగైన వైద్యం కోసం విజయవాడ ప్రభుత్వ ఆస్పత్రికి తరలించారు. సమాచారం అందుకున్న పోలీసులు సంఘటన ప్రదేశానికి చేరుకుని కేసు నమోదు చేసి దర్యాప్తు చేస్తున్నారు.