Nara Lokesh : మీ కోరికలన్నీ తీరాలి నాన్నా
ABN , First Publish Date - 2023-04-20T13:05:53+05:30 IST
టీడీపీ జాతీయ ప్రధాన కార్యదర్శి నారా లోకేష్ తన తండ్రి టీడీపీ అధినేత చంద్రబాబుకి ట్విటర్ వేదికగా పుట్టినరోజు శుభాకాంక్షలు తెలిపారు.
అమరావతి : టీడీపీ జాతీయ ప్రధాన కార్యదర్శి నారా లోకేష్ తన తండ్రి టీడీపీ అధినేత చంద్రబాబుకి ట్విటర్ వేదికగా పుట్టినరోజు శుభాకాంక్షలు తెలిపారు. ఆయన కోరికలన్నీ నెరవేరాలని నారా లోకేష్ కోరారు. ‘‘తెలుగు ప్రజల జీవితాలను మార్చి వారికి ఒక మంచి జీవితాన్ని శాశ్వత వారసత్వంగా ఇచ్చేందుకు మీరు ఎంత తపన పడుతున్నారో నాకు తెలుసు. మీ కోరికలన్నీ తీరాలి నాన్నా! పుట్టినరోజు శుభాకాంక్షలు!’’ అని లోకేష్ ట్వీట్ చేశారు.
ఇక రాష్ట్ర వ్యాప్తంగా చంద్రబాబు పుట్టినరోజు వేడుకలు ఘనంగా జరుగుతున్నాయి. తెలుగుదేశం పార్టీ నేతలు, కార్యకర్తలంతా ఆయన పుట్టిన రోజు సందర్భంగా కేక్ కట్ చేసి మరీ శుభాకాంక్షలు చెబుతున్నారు. రాజకీయ ప్రముఖులంతా ఆయనకు ట్విటర్ వేదికగా శుభాకాంక్షలు తెలియజేస్తున్నారు. టీడీపీ నేతలతో పాటు జనసేన అధినేత పవన్ కల్యాణ్.. వైసీపీ ఎంపీ విజయసాయిరెడ్డి, వైసీపీ రెబల్ ఎంపీ రఘురామ కృష్ణరాజు తదితరులంతా చంద్రబాబుకు శుభాకాంక్షలు తెలిపారు.
