Nara Lokesh Yuvagalam: యువగళం యాత్రకు ఊరూరా ఏర్పాట్లు.. రైతులతో ముచ్చటించనున్న లోకేష్
ABN , First Publish Date - 2023-06-19T14:12:09+05:30 IST
మాజీ ఎమ్మెల్యే కురుగుండ్ల రామకృష్ణ ఆధ్వర్యంలో ఊరూరా భారీ ఏర్పాట్లు చేశారు. సాయంత్రం 4 గంటలకు పెనుబర్తి క్యాంపు సైట్ నుంచీ పాదయాత్ర ప్రారంభం కానుంది
నెల్లూరు: ఉమ్మడి నెల్లూరు జిల్లా వెంకటగిరి నియోజకవర్గంలో 131వ రోజుకు నారా లోకేష్ యువగళం పాదయాత్ర చేరింది. మాజీ ఎమ్మెల్యే కురుగుండ్ల రామకృష్ణ ఆధ్వర్యంలో ఊరూరా భారీ ఏర్పాట్లు చేశారు. సాయంత్రం 4 గంటలకు పెనుబర్తి క్యాంపు సైట్ నుంచీ పాదయాత్ర ప్రారంభం కానుంది. ఓబులాయపల్లి, అఖిలవలస, గుండవోలు, ఏపూరు, వెలుగోను జంక్షన్, రాపూరు వరకూ యువగళం పాదయాత్ర కొనసాగనుంది. అఖిలవలసలో జరిగే రచ్చబండ కార్యక్రమంలో లోకేష్ పాల్గొననున్నారు. అలాగే ఓబులాయపల్లి, గుండవోలు, వెలుగోను జంక్షన్ల దగ్గర గ్రామస్తులతో ముఖాముఖిగా మాట్లాడనున్నారు. అనంతరం ఏపూరులో రైతులతో సమావేశమై వారి సమస్యలను అడిగి తెలుసుకోనున్నారు.
