Purandeswari: మైనింగ్ మాఫియాపై పోరాటం

విజయవాడ: మైనింగ్ మాఫియాపై (Mining Mafia) లీగల్‌సెల్, ఆర్టీఏ సెల్ సంయుక్త పోరాటం చేయాలని ఏపీ బీజేపీ అధ్యక్షురాలు దగ్గుబాటి పురందేశ్వరి (Purandeswari) సూచించారు. బీజేపీ అనుబంధ ఆర్‌టీఏ సెల్, లీగల్ సెల్ సంయుక్త సమావేశానికి ముఖ్య అతిధిగా దగ్గుబాటి పురందేశ్వరి హాజరయ్యారు.

"లీగల్ సమస్యలు వచ్చినప్పుడు కార్యకర్తలకు అండగా ఉండాలి. ఏదైనా సమాచారం నిర్ధారణ చేసుకున్న తర్వాత మాత్రమే నిలదీయ గలుగుతాం. ఆవిధమైన కార్యాచరణ రూపొందించుకోవాల్సిన అవసరం ఉంది. ఆర్టీఏ సెల్, లీగల్ సెల్ సంయుక్తంగా పనిచేస్తే మంచి ఫలితాలు సాధించవచ్చు. చాలా కాలంగా ఈ విధంగా సమావేశం నిర్వహించాలని పార్టీ భావించింది. ఆర్టీఐ ద్వారా వచ్చే సమాచారం ఆధారంగా ఉద్యమం నిర్మించవచ్చు. ఓటర్ లిస్టులో ఓట్లు తొలగింపు అంశాలపై దృష్టి కేంద్రీకరించాలి. రాటాలు చేసే కార్యకర్తల్లో విశ్వాసం నింపుదాం." అని పురందేశ్వరి అన్నారు.