VIZAG Medical students: మెడికల్ విద్యార్థులకు ఫ్లైట్ కష్టాలు! అధికారులు పట్టించుకోకపోవడంతో విశాఖలో పడిగాపులు

విశాఖ: ఆ విమానంలో మెడికల్ కౌన్సెలింగ్‌కు వెళ్లాల్సిన విద్యార్థులున్నారు. దాదాపు 270 మంది ప్రయాణికులతో ఆదివారం ఢిల్లీ నుంచి పోర్టుబ్లేయర్‌కు ఎయిరిండియా విమానం బయల్దేరింది. వాతావరణం అనుకూలించకపోవడంతో విమానం సడన్‌గా విశాఖలో ఎమర్జెన్సీ ల్యాండింగ్ అయింది. ఈ ఫ్లైట్‌లో అత్యధికంగా విద్యార్థులే ఉన్నారు. వీరంతా మెడికల్ కౌన్సెలింగ్ వెళ్తున్నారు. 24 గంటలు దాటినా యాజమాన్యం నుంచి ఎలాంటి సమాచారం లేకపోవడంతో ప్రయాణికులు ఆగ్రహం వ్యక్తం చేస్తున్నారు. ప్రస్తుతం ప్రయాణికులంతా విశాఖ పోర్టుబ్లేయర్ హోటల్‌లో బస చేస్తున్నారు. అధికారుల నుంచి ఎలాంటి సమాచారం లేకపోవడంతో మండిపడుతున్నారు. తమను గమ్యస్థానాలకు చేర్చేలా ఏర్పాటు చేయాలని అధికారులను ప్రయాణికులు కోరుతున్నారు. ఎంతో కష్టపడి విద్యార్థులంతా ర్యాంకు సంపాదించుకుంటే.. తీరా విమాన రూపంలో విద్యార్థులకు కష్టాలొచ్చి పడ్డాయి. తమకు ప్రత్యామ్నాయంగా ఏర్పాట్లు చేయాలంటూ విద్యార్థులు విజ్ఞప్తి చేస్తున్నారు.