Visakha: ప్రజాశాంతి పార్టీలో బీసీ నేతల చేరిక.. ఆహ్వానించిన కేఏ పాల్..
ABN , First Publish Date - 2023-10-28T13:39:08+05:30 IST
విశాఖపట్నం: ప్రజాశాంతి పార్టీలోకి కొంతమంది బీసీ నేతలు చేరారు. ఆ పార్టీ అధ్యక్షుడు కేఏ పాల్ వారికి పార్టీ కండువా కప్పి ఆహ్వానించారు. ఈ సందర్భంగా శనివారం ఆయన విశాఖలో మీడియతో మాట్లాడుతూ విశాఖపట్నం ఎంపీగా తాను పోటీ చేస్తున్నానని చెప్పారు.
విశాఖపట్నం: ప్రజాశాంతి పార్టీ (Praja Shanti Party)లోకి కొంతమంది బీసీ నేతలు (BC Leaders) చేరారు. ఆ పార్టీ అధ్యక్షుడు కేఏ పాల్ (KA Paul) వారికి పార్టీ కండువా కప్పి ఆహ్వానించారు. ఈ సందర్భంగా శనివారం ఆయన విశాఖలో మీడియతో మాట్లాడుతూ విశాఖపట్నం ఎంపీగా తాను పోటీ చేస్తున్నానని చెప్పారు. జనసేన అధ్యక్షుడు పవన్ కళ్యాణ్ (Pawan Kalyan) కంటే తానే బెటర్ అని స్వయంగా ఎంపీ ఎంవివి (MP MVV) చెప్పారన్నారు. ఎంపీగా పోటీ చేస్తున్న తనకు ప్రజల అందరి మద్దతు ఉందన్నారు. గ్లోబల్ క్రిస్మస్ కార్యక్రమం (Global Christmas Program) నవంబర్ 9న విశాఖలో జరుగుతుందని, ఇక్కడి నుంచి 200 దేశాలకు సందేశం ఇవ్వబోతున్నానని చెప్పారు. ఆ రోజు కార్యక్రమానికి వచ్చిన అందరూ లంచ్ చేసి వెళ్ళాలని ఆహ్వానించారు. తెలంగాణ (Telangana)లో కేసీఆర్ పాలన (KCR Rule) కంటే కేఏ పాల్ పాలనే కావాలంటున్నారని, ప్రజల్లో శాంతి చేకూరాలంటే ప్రజాశాంతి పార్టీ రావాలని కేఏ పాల్ వ్యాఖ్యానించారు.
