Minister Amarnath: చంద్రబాబు కళ్ళతో చూస్తే అన్ని తప్పుగానే కనిపిస్తాయి..

విశాఖ: ఎంపీ కుటుంబ సభ్యులు (MP Family) నిబ్బంధం ఘటన వల్ల విశాఖ (Visakha) బ్రాండ్ ఇమేజ్ (Brand Image) దెబ్బతినడం అనేది ఏమీ ఉండదని మంత్రి గుడివాడ అమర్నాథ్ (Minister Gudivada Amarnath) అన్నారు. బిల్డర్స్ అసోసియేషన్ ఆఫ్ ఇండియా ఆధ్వర్యంలో శుక్రవారం విశాఖపట్నంలో కాన్టెక్ ఎక్స్‌ఫోను ప్రారంభించారు. ఈ సందర్భంగా మంత్రి మాట్లాడుతూ చంద్రబాబు (Chandrababu) కళ్ళతో చూస్తే అన్ని తప్పుగానే కనిపిస్తాయన్నారు. పోలీసులకు ఎప్పుడు సమాచారం అందింది.. వారు ఎలా స్పందించారనేది చూడాలన్నారు. పోలీస్ వ్యవస్థ సరిగా స్పందించిందా? లేదా అనేది చూసే కళ్ళను బట్టి ఉంటుందన్నారు. ఘటన ఒక ఇన్సిడెంట్‌గానే చూడాలి తప్పితే ఇందులో ప్రభుత్వం, పోలీసులు వైఫల్యం అనడం సరికాదన్నారు. ఎంపీ, మంత్రి అనే బేధం ఉండదని, ఎవరికి కష్టం వచ్చిన పోలీసులు ఇదే విధంగా స్పందిస్తారని మంత్రి గుడివాడ అమర్నాథ్ స్పష్టం చేశారు.