TNSF Chief: బాబు ఆరోగ్యం క్షీణిస్తుంటే వెకిలి వేశాలు వేస్తారా?.. జగన్ & కోపై ప్రణవ్ ఫైర్

విశాఖపట్నం: రాజమండ్రి జైల్లో టీడీపీ అధినేత చంద్రబాబు నాయుడిపై (TDP Chief Chandrababu Naidu) కుట్రలు జరుగుతున్నాయని టీఎన్ఎస్ఎఫ్ రాష్ట్ర అధ్యక్షుడు ప్రణవ్ గోపాల్ (TNSF Chief Pranav Gopal) ఆరోపించారు. శుక్రవారం మీడియాతో మాట్లాడుతూ... బాబు ఆరోగ్యం క్షీణిస్తుంటే జగన్ (CM Jagan) అండ్ కో వెకిలి వేశాలు వేస్తోందని మండిపడ్డారు. 73 ఏళ్ల బాబు ఆరోగ్యంపై సర్కారు నిర్లక్ష్యం వహిస్తోందన్నారు. స్కిన్ ఎలర్జీ, డిహైడ్రేషన్‌తో బాధపడుతుంటే జగన్ సర్కార్ పట్టించుకోవడం లేదని ఆగ్రహం వ్యక్తం చేశారు. రాజమండ్రి జైల్లో చంద్రబాబు అనారోగ్యంతో బాధ పడుతుంటే వైసీపీ నేతలు సంబరాలు చేసుకుంటున్నారన్నారు. తక్షణమే చంద్రబాబును సూపర్ స్పెషాలిటీ ఆసుపత్రికి తరలించి అధునాతన వైద్యం అందించాలని డిమాండ్ చేశారు. చంద్రబాబుకు ఏదైనా జరిగితే జగనే బాధ్యత వహించాలన్నారు. బాబు ఆరోగ్యం విషయంలో చిన్న తేడా వచ్చినా రాజమండ్రి సెంట్రల్ జైల్ భరోకి పిలుపునిస్తామని ప్రణవ్ గోపాల్ హెచ్చరించారు.